عادى لما تلاقى حد بيختلف معاك فى الراى … لما نشوف اتنين قاعدين على القهوه ممكن يختلفوا فى اى موضوع …. لكن فيه نقطه مهمه و هى ان الاختلاف لازم يكون اولا فى اطار من الاحترام و مبنى على اساس …
طيب هو ايه اللى بيحصل من قنوات الدول الراعيه للارهاب … بيطلعوا علينا كذا حد اتحفظ وشوشهم وعرفنا دايما بيقولوا ايه من قبل ما يقولوه …. دايما هجوم على اى حاجه بتحصل فى مصر … يعنى انا نفسى اسالهم سوال يعنى هو الدنيا سوده اوى كده مفيش اى حاجه عدله بتحصل ؟! فى حقيقه الامر ان طبعا فيه انجازات محش يقدر ينكرها وحتى المنظمات العالميه لان الموضوعات دى بمؤشرات و بارقام و احصائيات
بتطلع علينا ناس كده زى واحد اسمه خالد السيرتى ده طالع و عمال يتكلم على حركه اسمها أصحاب البلد على أساس بقى يعنى انه معاه ناس كتير من الشعب و هما أصحاب البلد على اعتبار ان فيه ظلم بقى في البلد بس هو مش واخد باله انه في كل فيديو طالع فيه بيؤيد نظام الاخوان علنا و ده المضحك انك فاكر انك لما تقول انا تبع نظام الاخوان ف انت بقى فاكر ان الناس هتبقى طوابير وراك …. ياعم فوق من اللى انت فيه انت و الجماعه اللى ممولاك و شوف التعليقات اللى على الفيديوهات بتاعتك ده حتى الكام واحد اللى بيتفرجوا عليك بيعارضوك
طيب نيجى بقى لخالد البلشى
ده بقى واحد صحفى و بيقول انه مدافع عن حقوق الانسان … هنا بقى انا اول ما اسمع المنصب ده المفروض اتاثر و أقول ياه فعلا الراجل ده محترم … عايز بقى افهمك حاجه يا خالد يا بلشى وحاجه متعلقه بالسياسه المفروض ان انت بتلعبها … انت أصلا اول ما تحط كلمه حقوق انسان بعد اسمك الناس كلها هتعرف انك تبع الدول الغربيه و حاطط اسم حقوق الانسان ده علشان مش لاقى حاجه تعترض عليها في مصر لان حجه البليد هي حقوق الانسان …. كنت فين انت وقت ما الناس معترضه على الفوضى اللى كانت موجوده في رابعه كانت فين حقوق الانسان ساعتها لكن اكيد مش هتقدر تقول حاجه و ده اخرك لانك مجرد اخوانى
هشام عبدالله
طالع على البرنامج باسم ابن البلد …. طيب قولى بانهى صفه انت بتقول على نفسك ابن البلد ….
طالع بتهاجم البلد كل يوم … و بتتخنلى فى صوتك ….. وتقولى شعر على اساس انك كده من الثوار لما هتقولى شعر يعنى …. و لما تدخلى موسيقى تصويريه حزينه فى وسط البرنامج بتاعك انت كده هتاثر فيا يعنى …. عايز اقولك اغانى المهرجانات على الرغم انى مش بطيقها ممكن تكون بتاثر فى اللى بسمعها اكتر من اللى انت بتعمله ده …. يعنى مثلا لو جيت سمعت اغانى المدفعجيه اغنيه مليونير هتلاقي الناس بتسمعها اكتر م الناس بتسمعك او بتتفرج عليك باللى بتعمله ده فى الفيديوهات بتاعتك …. انا نفسى افهم انتوا بتفكروا ازاى ؟ يعنى قطر على خلاف مع بلاد عربيه كتير قبل المصالحه عمرك شفت واحد من السسعوديه طلع على برنامج ممول طلع يهاجم بلده من بره مش السعوديه بس كل البلاد المجاوره سواء الامارات او البحرين …..
اللى انت بتعمله انت و اللى زيك شيئ مضحك جدا عارف ليه لانك فاكر ان الناس بتسمعك و مصدقينك انت والجماعه عارف ليه ؟ اقولك ليه لان وقت 2012 كان الشعب مش مصدقكم اصلا … يقوم بقى لما انت تطلعلى بره و تعمل برنامج او فيديوهات على اليوتيوب تفتكر ان الناس هتصدقك او هتسمعك اصلا ؟! … و مش انا اللى بقول كده ده التاريخ اللى بيقول كده .
غاده نجيب …الكلام هنا موجه ليكى.
نفسى اعرف لما بتطلعى كل يوم في فيديو سواء فى القنوات الراعيه للارهاب … او بتطلعى على فيديو لايف على اليوتيوب … و بتقولى نفس الكلام كل يوم و بتعيديه … نفسى اسالك سوال مزهقتيش ؟ يعنى انا حاسس انك اكيد زهقتى من كتر ما هو هو نفس الكلام اللى بتقوليه و بتعيديه كل يوم و مش كده و بس يمكن بتطلعى مع نفس المحاورين اللى كلهم برضه بيقوله نفس الكلام و المحتوى …
بيتهيالى انك زهقتى و اكبر دليل على كده ان المحامى الخاص بحضرتك طلع قال انك طلبتى منه انتى وجوزك انكم عايزين ترجعوا مصر و انه يشوفلكم طريقه علشان ترجعوا مصر …
