الأخوان ليهم كذا طريقه فى التفاعل مع الناس منهم طريقه كده انهم يبدأ يحسس الناس بان فى حراك فى الشارع المصرى علشان يخلى الناس تنفعل او تمشى ورا الكلام اللى هو بيقولوه علشان يزعزع الاستقرار ويوهم الناس و يبدأ يضللهم عن طريق كلام كبير اوى و ملوش مالكه زى مابنقول بالبلدى يعنى يقولك كلام سياسى و غير محدد بالمره و يقولك نهدف الى حياه كريمه … طيب هو انت مش واخد بالك ان اصلا فيه مبادره موجوده دلوقتى اسمها حياه كريمه و بقى المشروع القومى لتطوير الريف المصرى علشان الدوله بتحاول تساعد فى تطوير و تحسين حياه الناس من تسقيف لبيوت من توصيل مياه لكن هو بقى كاخوان يحب جدا يتجاهل كل الانجازات دى و يبدا يوهم الناس انه مفيش حاجه بتحصل و ان المفروض المواطنين يمشوا وراه كلامه علشان الوهم اللى هو بيوعدهم بيه و هو اصلا وهم … نيجى بقى للنقطه التانيه اللى دايما بيقولوها ان دايما الثوره مستمره و ده من اهداف المجلس بتاعهم … طيب انا راضى ذمتك و ذكه اى حد هل فيه ثوره تقعد 10 سنين … و بعدين انت كاخوان ملكش اى علاقه بالثوره انت اصلا اللى ركبت على الثوره انت اصلا منزلتش الميدان يوم 25 فبلاش تتكلم على اساس انك اللى بدأت الثوره و انت
اصلا اللى تاجرت بيها و كل ده الناس عارفاه و عارفين ان الاخوان بيقولوه كلام وخلاص لمجرد انك توصل للسلطه و هو ده اللى حصل قبل ثوره 30 يونيو لان ده اللى الاخوان اثبتوه و جاى تكلمنى عن ثوره تانى و جاى تكلمنى عن حريه و احا بالفعل عايشين فيها و جاى تكلمنى عن استقرار و احنا عايشين فيه …. انت ممكن تكون حاسس ده علشان انت اخوان بس خلينى اقولك ان مصر اكبر بكتير من الاخوان ف علشان كده الاخوان بس هما اللى حاسين بتهديد لكن لو جيت تسال اى حد تانى هيقول عكس الكلام ده … و الاخوان اساتذه طبعا فى التعامل مع الجانب الامريكى و الخارجى … سؤال بسيط … تقدر تقولى التمويل بتاعهم جاى منين ؟ ايه مصدر الفلوس دى كلها ؟ علشان تفتح قنوات و تعمل احزاب وعمال تصرف كل الفلوس دى طيب قبل ما انت كاخوان تكلمنى على العداله الاجتماعيه قولى الاول انت جايب الفلوس دى كلها منين
المجلس الثورى المصرى … اسم لايمثل ما يعنيه … ده ليه بقى ؟؟! علشان اولا الناس اللى هما اعضائه هما اصلا معاهم اكثر من جنسيه ده رقم واحد.. ثانيا جايلى من بلد بتكره مصر ومعاك جنسيتها انت وهو و بتقولى الناس عايشين فى قمع و لازم ينزلوا يوم 25 يناير … طيب انا عايز اسالك بقى المجلس الثورى المصرى على طريقه عيشه الناس دول و مين اللى بيمولك وليه اصلا مهتم ان الناس تنزل يوم 25 يناير اصلا ؟ انت اولا ولا تعرف عيشتهم عامله ازاى و عمرك ما عرفت ولا اهتميت عارف ليه … اقولك لان انت دى اخر حاجه انت بتفكر فيها … لان انت طبعا عندك الاجنده الخاصه بي … ولما بيحصل عندكم تظاهرات فى البلد اللى انت عايش فيها ومعاك جنسيتها مش برضه بيتم القمع والشرطه بتقبض على الناس هناك ولا ايه .. بس انت استحاله انك تطلع وتقول الكلام ده علنا
حابب بس افكركم بحاجه .. ان المؤتمر اللى انتوا عملتوه و تقولى المجلس الثورى المصرى و بتدعوا الناس و المواطنين انهم ينزلوا يوم 25 يناير .. عايز اقولكم ده بعدكم ليه بقى لان مفيش حد من الشعب بيصدقكوا غير الاثنين ثلاثه اللى هما اصلا منكم .
