طلع علينا كده واحده هى بتقول انها محاميه امريكيه و عماله تقول ان مصر مفيهاش حقوق انسان وغيره و طبعا احنا اتكلمنا قبل كده فى مقاله لوحدها عن حقوق الانسان و يعنى ايه حقوق انسان و ان الدول بتستخدمها لبانه علشان تتدخل فى شئون الدول ما علينا … المهم نكمل
يجى مره واحده ناس مجهوله و يقولك هنعمل حزب تحت التاسسيس !! … ف اول سوال هساله مش الحزب ده لازم ليه مكان ؟! طيب مكانهم فين ؟ لا حضرتك ده ملوش مكان ده مكانه على الفيسبوك زى ما بقولك كده اللى هو حزب افتراضى زى بالظبط ما بنعمل جروب كده و نجمع فيه صحابنا اللى مشوفناهمش من سنين …. و يروح جاى يقولك ايه بقى و هو لسه تحت التاسيس يقولك هنستدعى المحاميه دى علشان نحرك دعوه قضائيه … بجد حاجه تضحك دى اولا ثانيا انت مين فين الشخص الفعلى مش الشخص المعنوى لازم قانونيا يبقى فى شخص حقيقى يحرك الدعوى القانونيه مش مجرد حزب افتراضى و كمان منعرفلوش مكان والا بقى انا هرفع قضيه على الكونجرس علشان مفيهوش حقوق انسان علشان احداث الشغب اللى فاتت مات فيها 4 مواطنين امريكان و كانوا بيتظاهروا !! ولا ايه ؟ طبعا هنا انتوا هتعملوا مش واخدين بالكم ليه بقى لانك اضعف من ان انت تبين نفسك و احنا عارفين انت مين اصلا …
بس انت من كتر الخوف اللى جواك متقدرش تعمل كده مع اى مكان تانى مش امريكا بس ده انت متقجرش تعمل كده مع تركيا ولا قطر … مع ان تركيا اردوجان بيقمع الناس عن التظاهر … و كمان امراء قطر بينقلبوا على بعضهم … بس ايه هس انت لحد هنا لاترى لا تسمع لا تتكلم لانك جبان و موجه …
نيجى بقى نشوف هويتهم ايه بيقولك ان حزب امل مصر ده اللى هو مجموعه من المصريون يسعون لاقامه مشروع ثورى من اجل استكمال ثوره 25 يناير … والله ضحكتونى يابنى هو فيه ثوره بتقعد 10 سنين يابنى ياحبيبى مفيش حد بيصدقكم ولا هيصدقكم اتشقلبوا اعملوا اللى انتوا عايزينوا ولا فيه حد هيشترى الكلام اللى انتوا بتقولوه … ليه بقى لانه بقى عامل زى الاسطوانه المشروخه واى حد بقى بيقول كده اعرف انه اخوان على طول … زى بالظبط جمله انا مش اخوان ايام 24 يناير اللى كان بيقول كده تعرف علىطول انه واحد منهم و بيأيدهم ….
طيب نيجى نشوف بقى هدفهم ايه اللى هما بيقولوه .. بيقولك هدفنا هو دوله الحقوق و الحريات … لا برافو برافو وتنميه الموارد الشامله والاستثمار فى المواطنين.
بقولك ايه بص العصفوره …. كل ده حصل من 2014 و بيحصل دلوقتى و إن شاء الله هيحصل بس انت بتقول اى كلام عام و تحسه كلام كبير بس لما تيجى تشوف بقى على ارض الواقع هما هدفهم ايه هما هدفهم زعزعه الاستقرار و هدفهم تكمين جماعه الاخوان فى الحكم لتفتيت و تقسيم الدوله المصريه زيها زى بقيه دول الجوار لمصالحهم الشخصيه … بس على مين الناس كلها عارفه ده و هما نأبهم طلع على شونه
و هرجع اقولك اصرف كل الفلوس دى و فى الاخر نأبك على شونه و اخركم الكام كلمه بتوع الشرعيه و حقوق الانسان … بس هقولك تانى انت بتلعب على وعى المواطنين و الناس قارياك و عارفه انت مين و هدفك ايه بالظبط.
