ايوه كلامك خلص و مشلاقى حاجه تقولها غير الكلمتين اللى عنك و مش حافظ غيرهم ….
بقى جاى تتكلم على الدوله المصريه و انجازات الدوله المصريه و كمان مش عاجبك و بتنتقدها ..
مش تقولنا انت عملت ايه و حققت ايه فى حياتك على ابقى مدرك انت مين علشان اعرف اقدر اللى انت بتقولوه … طيب سوال كمان مش انت جاى تقولى مفيش شرعيه … الكلمه اللى معندكوش غيرها …. طيب يبقى انت مالك بقى ؟ مش انت جريت على بلد الارهاب .. انت مالك بقى ؟ بتتكلم على البلد و اهلها و ناسها كانك مكافح و بتتكلم باسم الشعب و كانك مفوض منهم يا حبيبى … انت لو شفت اخصائيات التويتات بتاعتك انت المفروض متكتبش تانى
اللى عاملك ريتويت شخصين بس فى المنشور اللى بتتكلم فيه على سيمنز و القطار السريع … و قال ايه عايزنى اصدقك و اسمع كلامك ؟!!! يا راجل عيب بقى ده لو صحاب القناه اللى انت شغال فيها و لحسابها عاملينلك اعتبار هيبقى ال Retweets اكتر من كده … بلاش ده لو انت تعبت نفسك شويه و عملت Fake accounts هيبقوا اكتر من كده بس نقول ايه بقى ؟ طيب بلاش انا لو منك مكتبش تانى على الرغم ان دى مهنتك بس ما علينا ….
جاى تقولى مصر بتدفع لسيمنز فلوس كتير علشان بتعملوا قطر سريع و عمال تنتقد و تنظر و تقول ان ده كتير و المفروض نستخدمها فى حاجه تانيه.
اولا … انت مالك؟
ثانيا .. قولى كده وقت 2013 عملتوا ايه بقى … ولا قطر سريع ولا غيره … انت جاى بتنتقد وقت احنا بنتنقل فيه من الاحتياجات الانسانيه (اكل و شرب) لاحتياجات اعلى انسانيه !!!!
ياراجل ده وقت 2013 ولا كان فيه احتياجات اساسيه ولاغيره .. اتلهى … انا ياخى مش عارف انتوا عندكوا عين ازاى تتكلموا و تنتقدوا كمان بس هرجع اقول لنفسى انتوا معندكوش غير كلمه واحده اللى ماشيين ترددوها وياريت كلكم ده اثنين بس … يعنى حتى الناس اللى انت بتشتغل لحسابها مش بيتابعوك … سيمنز يا حبيبى اللى بتتريق عليها دى هتعمل قطر هيبقى الاول فى نوعه من مصر و هتبقى حاجه للتاريخ .. و مش كده و بس ده اللى هستفادوا هما كل المصريين بس للاسف انت متعرفش عنهم حاجه علشان هربان وطالع تتكلم من ورا جهاز كومبيوتر و عمال تنظر … طيب ازيدك من الشعر بيت انت متضايق جدا بسبب ان فيه انجازات عماله بتحصل على ارض الواقع … ايوه زى مابقولك كده بس هو انت طبعا عمرك ما هتقول كده بس للاسف ده باين عليك فى كل حاجه بتكتبها لان مفيش حاجه بتصل الا و بتنتقدها و لا و ايه كمان انت كل حاجه بتحصل فى بلد الارهاب اللى انت فيها بتمجد فيها … ياخى ده لو فيه بربع جنيه مفهوميه هيبقى ان فيه واحد يعمل انقلاب على ابوه و تشوف ان ده منتهى الشرعيه و مش كده و بس ده انت بتمجد فيه و كمان لسه بتنتقد بلدك و كمان لسه بتكتب يبقى انت تستاهل ان يتقال عليك كلمه خاين
