عندنا واحد مثال للتحريض على العنف و عدم احترام لمؤسسات دولته و مش كده وبس ده بيمجد فى النظام القطرى و امير قطر … طب هقولك ايه ماهو مش غريب عليك … ده منطقى و متوقع سواء منك او من اللى مشغلينك … بس برضه هسالك سوال واحد ده لو لسه انت انسان طبيعى و سوى مع انى اشك …
هو انت ما بينك و بين نفسك راضى عن اللى انت بتعمله ده ؟!
طيب بلاش انت مقتنع ؟! سواء مقتنع ب اللى انت بتقوله او مقتنع بالنظام اللى انت بتطبله ؟!! و
بلااااش ….. ياترى لو رجع بيك الزمن هتعمل اللى انت عملته تانى ؟! يعنى هتروح تتحامى فى دوله تانيه و تهاجم بلدك و دولتك ومؤسساتها و ناسها و ظباطها الشرفاء وجيشها العظيم ؟
بس عامه لو انت بتفكر بطريقه منطقيه وعقلانيه مش بمنطق (الجماعه يا بلاش) … المنطق اللى انتوا ماشيين بيه ده … مكنتش هتعمل اللى عملته او تسافر على بلد الراعيه للارهاب وده واضح للكل ماعدا انتوا او خلينا نقول انتوا عارفين بس عاملين نفسكوا مش عارفين …..
المشكله ان كل الكلام اللى بتقوله او الاشاعات اللى بتطلعها انت عارف انها مش هتجيب نتيجه … مش لان مفيش حد بيتفرج عليك او بيسمع كلامك … او مش ان اللى انت بتقوله غلط او كذب … لا كل ده بسبب ان الناس بقت عارفه وشوشكم وش وش و حفظت كلامكم من قبل ما تقولوه سواء انت او الوشوش التانيه و ده السبب البسيط انما فيه سبب تانى اقوى بكتير و اهم .. ايه هو بقى
ان الرجاله الحقيقين مش فاضيين يتفرجوا على تلفيزيون او يسمعوا كلام … وراهم حاجات اهم بكتير و مشاريع اقوى بكتير …
كل ظابط واقف على الحدود … كل ظابط شايل سلاح وبيدافع عن ارض البلد دى وراه مهمه قوميه بينفذها وممكن روحه تروح علشان البلد دى … تفتكر هيبقى عنده وقت يتفرج عليك او يشوف تويته من تويتاتك مثلا …
تفتكركل مهندس بيبنى منطقه سكنيه او كوبرى فاضى يتفرج عليك … تفتكر كل شاب بيبنى مستقبله هيجى يتفرج عليك او يسمع كلامك …
يابنى انت مبتعملش حاجه غير انك تنظر …. و ياريتك بتقول كلام صح … للاسف انت معروف بكرهك الشديد للبلد و العداوه الكبيره و كل تصريحاتك ضد ازدهار الدوله المصريه ….
عار عليك انك كنت مصرى فى يوم من الايام … لان المصرى مبيهاجمش بلده !!
