خليك غبي.. تعالى نعرف فوائد الغباء

بتضايق لما حد يقولك يا غبي صح ؟ وبتحس انك عاوز تقوله انا مش غبي دانت الي غبي و 60 غبي، لكن تخيل ان الغباء دا له فوايد كتشيييير جدا، اولا من الناحية الطبية الشخص الغبي دا مش بيفكر كتير، وبالتالي بيريح نفسه من التوتر والقلق الناتج عن التفكير، شخص كيوت في نفسه كده مريح دماغه، وبالتالي لما متفكرش كتير دا بيساعد المخ على انه يحفظ الاكسجين، يعني بيخلي باله
من 40% من نسبة الاكسجين، يعني شخص مدخر لعلمك الغبي دا

كمان الغبي دا بيحمي نفسه من الجلطات، ودالأن ضخ الدم في قلبه بيكون منتظم، دا غير انه بصراحة شخص برنس في نفسه كدا، دايما تلاقيه مبتسم ابتسامة احمد حلمي في فيلم الناظر، شخص بيضحك طول الوقت ومعندوش ضغوط نفسية، شوفت بقى اننا اغبية عشان منعرفش فايدة الغباء؟ دا نعمة يابني، وعلى رأي المثل الخيالي ” كن غبيًا تعش برنسًا”