فترة الخطوبة بتكون زي فترة التعارف كدا و هي بتكون مرحلة تأهيلية للجواز و فيها و بتتعرفي انت و خطيبك على بعض أكتر و تتعودوا على الحاجات اللي انتوا مهتمين بيها على مشاكلكوا ازاي تحلوها و كمان بتقوي الثقة ما بينكوا فلازم تاخدي بالك من الحاجات دي في فترة الخطوبة و هي انت بتتعاملي مع خطيبك :
1-عدم الثقة:
لما تحصل أي مشكلة بينكو لازم تتناقشوا فيها بهدوء و تاخدوا القرار بحلها و لو اخد هو القرار بحل مشكلة معينة ماتقوليش ليه انت متأكد؟ أو ليه فكرت في الحل دا؟ لأن ساعتها هينعكس عليه إنك مش واثقة فيه ولا في قراراته.
2-اثارة غيرته:
دايما الست بتحب دايما تخللي الراجل يغير و بتستمتع جدا بالشعور دا لكن المفروض عليكي إن الموضوع يكون بحساب لأن كل ما الحاجة بتزيد عن حجمها بتتقلب ضدها.
3-ماتقوليش جمل حلوة كتير:
مش لازم طول الوقت تقوليله انا مش بحس بالسعادة الا معاك انت أكتر حد دمه خفيف في الدنيا وهكذا لسببين لأنه هيحس بالخوف لأن هيكون عليه حمل رضاكي طول الوقت و كمان انتي لازم تكوني تقيلة حبتين.
4-المغناطيس:
عارفة نظرية المغناطيس الأقطاب المتشابهة تتنافر و المختلفة بتتجاذب لازم تعرفي إن كل ما بتكونوا مختلفين كل ما انتوا بتكملوا بعض بس دا ما يمنعش إن يكون بينكو أرضية مشتركة يعني ممكن لو هو بيحب القراية أو الرياضة مافيش مشكلة إنك تتابعي معاه الهواية دي و هكذا.
5-الرادار:
بلاش كل شوية تسأليه انت فين مع مين رايح فين انت ماكلمتنيش ليه لازم الراجل يحس إنه حر و انتي مش مقيداه لأن أغلب الرجالة مش بيحبوا يتجوزوا بسبب الموضوع دا لأنهم بيحسوا في الجواز بالتقيد.
المصدر : fawzya
