طالب الإعلامي عمرو أديب، بإذاعة جلسة البرلمان، الخاصة بإعلان أسماء الوزراء الجدد، معقبًا: ” الأمل ان المناقشة بكره تبقى على الهواء، أنا عارف إن البرلمان متكتم على نفسه وعلى نوابه.. بس هل ممكن نشوف مناقشة الوزارة اللي ليها علاقة بالشعب.. هل من حقنا نشوف الجلسة دي بس”.
وتابع أديب خلال برنامج “كل يوم” المذاع على قناة “ON E” اليوم الإثنين: “وحشتوا أهل دوائركم لا بيشوفوكم في الشارع ولا في التليفزيون.. من حقنا كشعب نشوف الوزراء الجدد ونسمع بيقولوا ايه”، مستطردا: “عايزين نشوف الدكتور على مصيلحي هيقول ايه عن الاستثمار، وهل هو مؤهل لحاجه زي كده، وتسأله هل هو اشتراكي ولا رأس مالي جايز هو اشتراكي، ونشوف خطة وزير السياحة الجديد”.
