الاربعة دول كلهم يدعمون الاخوان و عندهم كم استعداد انهم يفضلوا يدافعوا عن الاخوان و ينتقدوا كل حاجه بتحصل في البلد كل يوم بس كل واحد ليه دور محتلف زى ما يكون كلهم في مسرحيه و كل واحد فيهم عنده دور شخصيه لازم يلتزم بيها و برضه هقولك لازم يلتزم بيها ليه … لان فيه جهات بتصرف عليها و الجهات دى بتديهم فلوس من اجل انهم يقوموا بخدمات تجاه الجهات دى و هي النقد الجارح للنظام المصرى بغض النظر عن ايه اللى بيحصل … يعنى اياكان النظام بيعمل ايه هتشوف الارعه دول بينتقدوه سواء كان كلام مقنع او لا … و هقولك ازاى … لان عندنا واحد اسمع
خالد البلشى :
خالد البلشى ده بيقول على نفسه صحفى مهتم بقضايا حقوق الانسان و طبعا الكلمه دى انتو اعارفين هي بتتقال امتى كلمه حقوق الانسان بتتقال وقت ما تبقى عايز نظام اجنبى يتدخل في حقوق الدوله اللى انت منها و علشان كده لما تاخد فلوس علشان تضلل الناس … مع العلم انه في أماكن تانيه مفيهاش حقوق انسان و متقدرش تقول ولا كلمه
خالد السرتى:
انت طالع في فيديو امبارح تقولى كلام و معلومات عن سد النهضه وان النظام المصرى موافق على بناء سد النهضه … و قال ايه جايب ناس معرفش منين دول و تقولى ده خبير سدود و واحد تانى مهندس في معرفش ايه ؟؟؟ طيب أولا انت شكلك مبتقراش جرايد ولا متابع لان موقف مصر من بعج ثوره 30 يونيو انها دايما تقول انها مش ضد اى تقدم لاى دوله و ده معنى الكلام … لكن انت واخد الكلام في سياق تانى بقى اللى هو ان النظام المصرى ساطت و ميقدرش يعمل حاجه .. طيب خلينى اعكس ليك السوال هو الاخوان عملوا ايه في موضوع سد النهضه ولا عملوا ايه مع الإرهاب في سيناء … عايزك يا خالد يا سرتى تقرا مذكرات هيلارى كلينتون و تعرف الاخوان عملوا ايه في الموضوعين دول و تقولى ايه رايك؟
هشام عبدالله:
اما بقى هشام عبدالله هو كان ممثل و مره واحده اتجه لبرامج التوك شو و اتجه لنظام الاخوان و بيدافع عنهم و مش كده و بس يطلع علينا كل يوم في الشاشه او على الفيديوهات بتاعته بيشجع الناس على انهم يثوروا و يتظاهروا … طيب ليه يا هشام هو بقى معندوش سبب … ده هو علشان بس اخوانجى مش اكتر ولا اقل.
غاده نجيب: عايزين نقول انها بتطلع تتكلم فى الشان العام المصرى و اصلا من غير ما تقولنا هى دارسه ايه … هى بس شايفه ان السياسه دى ممكن تطلع من وراها باستفاده ف ليه لا نعلب سياسه ؟؟؟ مش فاهمه ان السياسه دى محتاجه تعليم ومؤهلات و انك تطلع تتكلم فى راء العامه ده مش اى حد يقدر يعمله و لو اتعمل فى البلاد المتقدمه اللى انه بتضربوا بيها المثل ممكن تتسجنوا هناك لو طلعتوا و اتكلمتوا فى امر العامه من غير ما يبقى معاك رخصه او مؤهل علمى مناسب و علشان كده عازين نقول ان غاده نجيب و هشام عبدالله الاثنين على قوائم الانتظار و كمان صادر فى حقهم احكام جنئيه و مش كده و بس ده تم اسقاط الجنسيه المصريه عن غاده نجيب و كما انه تم وضع زوجها هشام عبدالله انه مدرج على قوائم الارهاب الدولى من الانتربول
محمد على:
اخر فيديو ليه كان انهارده و كم الضحك اللى ممكن يجيلك بعد ما تسمع اللى بيتقال و تشوف الفيديو ده
الفيدو بقى بتاع محمد على انهارده بيتكلم عن ايه بيتكلم عن ان هو ليه قورات البيع العربى ؟ جت فى مصر و سوريا و تونس و محصلتش فى قطر و بلاد تانيه ؟
طيب قبل ما اجاوبك خلينى اعكسلك السوال يا محمد يا على … هو ليه محصلش ثورات ربيع عربى عند الكيان الصهيونى … ده سوال انت مسالتوش و متقدرش تساله برضه دى حاجه كده على الهامش
اما بخصوص قطر خلينى اجاوبك وده معروف للى بيقرا التاريخ قطر فيها ربيع عربى (انقلاب) و من العائله ذات نفسيها يعنى شفنا واحد بينقلب على ابوه و متقوليش بقى ده حصل فى اى حته تانيه فى العالم … كون انك تنقلب على ابوك ده عمرها ماحصلت فى التاريخ … بس السوال هنا هو انت جاى بتستشهد بقطر و طالع تعمل فيديو علشان تزيف وعى الناس لا خلينى اقولك ان الناس صاحيه وواعيه للى بيحصل فى قطر و اللى انت بتعمله …. يا ولا ده انت كل شويه بكلمه … شويه ثورجى و شويه ليك فلوس ماخدتهاش و شويه مش هتتكلم فى الشأن السياسى و شويه ترجع تتكلم فى الشأن السياسى …. اركن على جنب
معتز مطر :
قبل ما نتكلم على معتز مطر عايزين نقول بس ان الاخوان بيعملوا مسرح وكل واحد فى المسرح ليه دور ف فيه ممثل تلاقى متمسكن و فيه ممثل تانى تلاقيه جريء و ممثل تلاقيه كومبارس سواء صامت او متكلم
اياكان بقى : دور معتز مطر هو ايه بقى هو الممثل الثورجى اللى هو فاكر نفسه شجاع و ابن بلد و فاكر نفسه فاهم كل حاجه … طيب نشوف بقى هو فى الفيديو بيقول ايه … متضايق اى من مسلسل الاختيار 2 و بيقول ازاى ان احمد مكى بيشارك فى المسلسل ده و قد ايه ان المسلسل ده تضليل …طيب عايز اقولك ان انت اللى عايش فى التضليل و انت اللى بتضلل الناس … وخلينى اسالك سوال انت مضايق ليه ؟ ايه اللى مضايق ان الدوله تعمل اعمال دراميه عن شهدائها من الجيش طالما انت بتقول على نفسك مصرى و بتدافع عن مصر … لكن اللى مضايق ان الاعمال الدراميه دى مبينه الوجه الحقيقى للاخوان و كاشفينهم بصوره غير مسبوقه و انت دلى اكتر حاجه مضايقاك ليه بقى لان الاعمال الدراميه دى كمان بتكسب قلوب الناس لانها اعمال بطوليه حقيقيه و هو ايه اللى حصل فى الاختيار الجزء الاول … هو كان الاخوان هما اللى بيهجموا على الجيش و انت طالع تدافعلى عنهم و عن المعتصمين ايام رابعه … اركن على جنب انت التانى
محمد ناصر:
ده بقى دوره الممثل اللى يطلع عليك و يقعد يكلمك باسامى و تواريخ فى محاوله منه انه يقنعك انه مثقف و اكيد واحد بيقول كل الاسامى دى و حافظ كل التواريخ دى فهو متوقع اننا نقول عليه مثقف …. تمام ادى واحد … تانى حاجه بقى انت طالع تتكلم بعد حادث عمرو اديب و طالع تقول انه لازم يتعمله تحليل مخدرات لان ده الاجراء القانونى فى محاوله بائسه منك انك تشكك فى انه كان مخمور و كان كل اللى بيعمله حوادث بيبقوا سكرانين … بس ما علينا مش دى قصتى … القصه بقى اللى عايز اقولهالك ان قانونا انت مينفعش تتكلم فى السياسه او الشان العام المصرى الا بتصريح مزاوله …. ولازم تكون دارس و تقولنا ايه هو مؤهلك و فى الحقيقه ده عمره مابيحصل عارف ليه لانك مش هتقدر تقول على نفسك الكلام ده … وبعدها فى الفيجيو اللى بعد بتتكلم على تحويل الرواتب المميكنه الى بطاقه ميزه الالكترونيه و ان تحويل 30 % من الرواتب مقدما ده شيء النظام قاصده علشان يكسب منه … طيب انت بقى بتقبض مرتبك ازاى بتاخده كاش اشك ؟ و ثانيا يا محمد يا اصر دى حاجه قديمه اوى اسمها Salary draft دى بطاقه ممكن تطلعها من اى بنك لو عايز زى الكريدت كارد بالظبط … اركن انت التالت
عمرو عادل:
بعد كده عندنا واحد اسمه عمرو عادل عمرو عادل ده واحد بيقول على نفسه عضو مكتب سياسى للمجلس الثورى المصرى اللى هو اصلا ولا ثورى ولا نيله بس ما علينا … جاى بقى يكتب لينا من خبراته على تويتر بيقول ايه بقى ان مشروعات الطرق اللى بتحصل دى كلها علشان نفصل الشعب عن المدن الجديده المخصصه للطبقه الحاكمه .. وان الشعب هيشوف قطر فى وسط اراضيه البائسه !!! يا سلام انت بجد بعد الجمله اللى انت قولتها دى عايز اقولك انك كان نفسك اكيد تطلع شاعر او ممثل بس الموضوع منجحش … هل انت بالكلمتين اللى انت قلتهم دول انت كده فاهم سيكولوجيه الشعب المصرى و انت بقى الوحيد اللى واخد بالك من حاجه محدش واخد باله منها غيرك … برافو عليك لا برافو عليك … و بقيت التويتات بقى بيتكلم بيقول ايه انه مش موافق على التطبيع حقك متوافقش بس عايز اسالك سوال انت مين بيقبضك ؟!! طالما انت ثورى كده و برضه موت بغيظك
