لو هنتكلم على التضليل او حب و انتماء البلد دى ف خلينى اقولك انهم المفروض حاجتين عكس بعض تماما
بس للأسف احنا بقبنا في وقت الناس متقدرش تفرق ما بين اللى بيحب البلد وبين اللى بيكره البلد … ليه هقولك انا ليه ؟ لان كل واحد بيضلل الناس مش هيطلع عليهم يقولهم انا بضللكم اهو او اللى بقولوه ده غلط … و هنا لازم نقول ان كل الاخوان بيعملوا كده … يعنى يقف و يقول باعلى صوته انه رايه هو الصح و انه البلد دى على كم الإنجازات اللى فيها مفيهاش حريه … طيب ياخى اتنيل و خليك في حالك لان مفيش حد هيصدقك … بس هو بيطلع في الانترنت بيقول ان الإنجازات دى مش إنجازات أصلا و يبدا يحاول يضلل الناس و يقول ان اللى بيحصل ده لمصلحه ناس تانيه مع ان كلامه غير منطقى بس للأسف هو ده اللى بيحصل … زى بالظبط أيام ثوره يناير اللى تكلمه و يقولك انا مش اخوان و يبدا واحده واحده يقنعك بطريقه تفكيرهم … تعرف على طول انه اخوان على الرغم انه ممكن يكون شكله مختلف و ممكن يكون مش بدقن و ممكن يكون بيشتم ف انت يحصل عندك نوع من أنواع المصداقيه لكلامه ف تصدقه و في الاخر يطلع اخوان ….
هو ده اللى بيحصل دلوقتى على اختلاف الازمنه و التوقيت هي هي نفس الاستراتيجيه بس بدل ما كانت في الشارع بقت في الاعلام ف بقى يطلع علينا ناس من قنوات ارهابيه مموله و يطلع علينا ناس في الانترنت … واحد بيشتم (ف انت هتعتقد انه مش اخوان) واحد عايز يعمل نفسه ثورجى (بس هو أصلا مش كده) واحد يبدا يعمل مقاطع فيديو كوميديه (وهى غير كوميديه اطلاقا) كل دى نسخ انت تشوفها و من جواك تقول مش اخوان بس في الحقيقه هما اخوان و بيعملوه كل اللى يقدروا عليه علشان يثيروا الفتن و علشان كمان يخلوا مفيش ثقه بين الحكومه و الشعب … في حين ان كل واحد من دول موجود في بلد تانيه غير مصر اللى في أمريكا و اللى في تركيا ومنهم اللى في قطر … بس هما بيعملوا كده ليه ؟ بيعملوا كده علشان أولا بياخدوا فلوس ف بالتالى مينفعش ياخدوا فلوس مقابل لا شيء و مش كده و بس لا ده فيه سبب تانى ان الجماعه الارهابيه هيموتوا من الغيظ لمجرد ان الشعب المصرى لفظهم و كشف مخططهم الحقير و ووقف الخطه التدميريه اللى كنا هنبقى فيها لولا القوات المسلحه المصريه
و من ضمن اشكال الافراد دول هما
خالد البلشى :
ده واحد المفروض انه كان رئيس لجنه الحقوق والحريات في نقابه الصحفيين ده بقى كل يوم يقولك فيه ناس محبوسه و فيه ناس منعرفش عنها حاجه و فيه ناس مبتاخدش الحد الأدنى من الحقوق الانسانيه ..
طيب خلينى اسالك هو لما واحد يحاول يثير الفتن و الشغب على الاراضى المصريه … هو المفروض نبقى معاه كويسين يعنى نقولوه اهلا و سهلا باللى انت هتعمله كسر يا حبيبى ولع يا حبيبى ؟ ده ايه المنطق الغريب ده … خليك في حالك و شوفلك حاجه تانيه تعملها
خالد السرتى:
ده بقى واحد بيقولك انا عملت صفحه و جروب اسمه أصحاب البلد … ده على اعتبار ان انت و الناس اللى في الجروب دول هما بس أصحاب البلد مش حد تانى و اى حد مش في الجروب ده ميبقاش من أصحاب البلد .. لا يا حبيبى انا معرفكش و مش بثق فيك و كل كلامك زى الاخوانجيه بالظبط و انا صاحب بلد زى زيك بالظبط ووجودك ده لايمثلنى و أصلا انت موجود في أمريكا و عاملى زعيم و تقولى سد النهضه و مصر بتعطش طيب لما انت قلبك اوى على البلد سيبتها و مشيت ليه ؟ ياخى ده يكفى الناس اللى بترد عليك في التعليقات بتاعتها على الصفحه بتاعتك
هشام عبدالله:
اما بقى هشام عبدالله هو كان ممثل و مره واحده اتجه لبرامج التوك شو و اتجه لنظام الاخوان و بيدافع عنهم و مش كده و بس يطلع علينا كل يوم في الشاشه او على الفيديوهات بتاعته بيشجع الناس على انهم يثوروا و يتظاهروا … طيب ليه يا هشام هو بقى معندوش سبب … ده هو علشان بس اخوانجى مش اكتر ولا اقل.
غاده نجيب: عايزين نقول انها بتطلع تتكلم فى الشان العام المصرى و اصلا من غير ما تقولنا هى دارسه ايه … هى بس شايفه ان السياسه دى ممكن تطلع من وراها باستفاده ف ليه لا نعلب سياسه ؟؟؟ مش فاهمه ان السياسه دى محتاجه تعليم ومؤهلات و انك تطلع تتكلم فى راء العامه ده مش اى حد يقدر يعمله و لو اتعمل فى البلاد المتقدمه اللى انه بتضربوا بيها المثل ممكن تتسجنوا هناك لو طلعتوا و اتكلمتوا فى امر العامه من غير ما يبقى معاك رخصه او مؤهل علمى مناسب و علشان كده عازين نقول ان غاده نجيب و هشام عبدالله الاثنين على قوائم الانتظار و كمان صادر فى حقهم احكام جنئيه و مش كده و بس ده تم اسقاط الجنسيه المصريه عن غاده نجيب و كما انه تم وضع زوجها هشام عبدالله انه مدرج على قوائم الارهاب الدولى من الانتربول
