وجوه الفتنة ودعاة الدم

للأفراد سمات شخصيه بتنم على سلوكياتهم و اتجاهاتهم… و كذلك كل المواصفات الخاصه بالفتنه
فيه ناس كده تشوفهم تعرف قد ايه هما بينفخوا في النار… وعايزين البلد تولع و كل حاجه تحصل في البلد يطلعوا ينتقدوها و كلهم مشتركين في سمات شخصيه واحده فيها تشابه كتير بينهم و بين بعض و مش كده و بس كلهم مش موجودين هنا في مصر و كلهم مسافرين… و يطلعوا على نغمه واحده اصل احنا لو كنا في البلد ماكناش نقدر نقول الكلام ده… اصل احنا لو كنا في مصر كنا هنتحبس… طيب ماهو لو كلامك صح انت مكنتش هتطلع من مصر أصلا… ده لو أصلا انت مشهور و الناس تعرفك و بتسمع كلامك باعتبارك شخص مؤثر ده لو هنفرض ان الناس مستنياك كل يوم علشان يشوفوا الفيديوهات بتاعتك و قد ايه انت كلامك صح …. و في الحقيقه مفيش حد بيسمعك ولا يعرف عنط حاجه غير الناس اللى بتدفعلك فلوس و بتساندك
خالد البلشى: انت كل يوم تطلع علينا بحوار حقوق الانسان .. اصل مين مقيد حريته اصل كام واحد محبوس اصل ده ضد مبادء حقوق الانسان .. طيب ليه مش بتدافع عن حقوق الانسان اللى اتسجنوا في احداث الكونجرس او كلمنى عن حقوق الانسان في فلسطين ليه دايما مركز محليا و سايب الموضوع إقليميا و دوليا … أقولك انا ليه لان ببساطه متقدرش ..
خالد السرتى: طالع في فيديو تقولى الناس اللى مع النظام ميقدروش على المواجهه لا يا خالد يا سرتى الرجاله بتشتغل الرجاله متطلعش زى الستات كل يوم ومورهاش حاجه غير الكلام … يا خالد يا سرتى انت كل يوم تطلع تعمل فيديوهات ممكن تقولى بتجيب فلوسك منين و بتشتغل ايه … وعايش ازاى …. ؟ خلينى اقولك ان كل واحد من الرجاله اللى بتساند النظام هما بيشتغلوا مش بيتطلعوا يعملوا فيديوهات و كلام بس
هشام عبدالله: انت بقى يا هشام طالع تقول في الفيديو بتاعك ان المصريين تبلدت مشاعرهم … طيب شكرا يا هشام … انت بقى مشاعرك متبلدش لما سافرت بره مصر و بتهاجم بلدك و بتاخد فلوس من قناه معاديه للبلد و بتستخدمك علشان تهاجم و تنتقد اى حاجه بتحصل في البلد … و بعدين خد تعالى هنا انت شويه تقول و تكلم الناس على أساس انهم لازم ينزلوا و يطالبوا بحقوقهم … وشويه طالع تقول عليهم تبلدت مشاعرهم … طيب لو فيه منطقيه في الكلام مينفعش انك تهاجم المصريين على الأقل … ده ب اللى انت بتعملوا ده لو فيه 50 واحد بيتفرجوا عليك هيقلوا النص … انتوا محتاجين تدريب في المهنيه الاعلاميه علشان تعرفوا المفروض تقولوا ايه و متقولوش ايه
غاده نجيب: عايزين نقول انها بتطلع تتكلم فى الشان العام المصرى و اصلا من غير ما تقولنا هى دارسه ايه … هى بس شايفه ان السياسه دى ممكن تطلع من وراها باستفاده ف ليه لا نعلب سياسه ؟؟؟ مش فاهمه ان السياسه دى محتاجه تعليم ومؤهلات و انك تطلع تتكلم فى راء العامه ده مش اى حد يقدر يعمله و لو اتعمل فى البلاد المتقدمه اللى انه بتضربوا بيها المثل ممكن تتسجنوا هناك لو طلعتوا و اتكلمتوا فى امر العامه من غير ما يبقى معاك رخصه او مؤهل علمى مناسب و علشان كده عازين نقول ان غاده نجيب و هشام عبدالله الاثنين على قوائم الانتظار و كمان صادر فى حقهم احكام جنئيه و مش كده و بس ده تم اسقاط الجنسيه المصريه عن غاده نجيب و كما انه تم وضع زوجها هشام عبدالله انه مدرج على قوائم الارهاب الدولى من الانتربول