الحاجه اللى هتلاقيها في الاخوان المسلمين و مش هتلاقيها في اى حزب تانى انهم ممكن يعملوا اى حاجه في سبيل انهم يوصلوا للى هما عايزينوا … ممكن نفهم ده على أساس انه نوع من التحالفات مثلا يعنى ممكن يتحالفوا مع كيان سياسى تانى مثلا ؟
الإجابه لا مش ده قصدى مش القصد هنا الكيانات السياسيه … القصد هنا هو الاستراتيجيه اللى بيستعملوها داخل كيان الاخوان المسلمين .. يعنى في سابقه من نوعها تلاقى اول مذيع اخوانى يشتم على الهوا شتائم خادشه للحياء سواء نكت او كلام مالوش علاقه بالادب لا من قريب ولا من بعيد
خالد السرتى …تعالى اتفرج ليه على الفيديوهات اللى بيعملها و طالع بيهاجم النظام و وبيشتم طيب اللى انا عايز افهمه المفروض ان انت بتدافع عن قضيه و بتقول انكم ناس كويسين ,…. تخيل بقى واحد بيتفرج عليك وانت طالع بتقول كلام اللى يشوفك ميبقاش عايز يتفرج عليك تانى ابدا و كفايه عليك التعليقات اللى بتجيلك من الناس …
اما خالد البلشى … ده واحد بيقول على نفسه مدافع عن حقوق الإنسان … ياعم ارحمونا بقى .. هي حقوق الانسان اشتكت ليك علشان حد يدافع عنها … و بعدين انت عندك دول الجوار فيها مشاكل في حقوق الانسان جمبك على طول الا مسمعناش في يوم طلعت علينا و بتدافع عن حقوق الانسان هناك ولا هي حقوق الانسان في مصر بس … وبعدين لعبه حقوق الانسان دى بقت مقفوشه اوى و اى حد بقى يقول الجمل دى يتعرف على طول هو نيته أيه و جاى عايز ايه
هشام عبدالله طالع فى فيديو يقول فيه انا سلكت طريق الحق … طيب ادينى انت عقلك انا كمشاهد اصدق ازاى ؟ و ايه هو مفهوم الحق بالنسبه لك ؟ يعنى لما تطلع عليا من خلال شاشات الاخوان و تشتم فى النظام ( اللى هو كان شيئ حرام شرعا ايام 2012) ف انت عايزنى اصدقك ده اولا
ثانيا .. لما يطلع المحامى بتاعك … يقول على حضرتك و على زوجه حضرتك انكم طلبتم انكم ترجعوا مصر … و قال الكلام ده علنا وعلى الفيسبوك … طيب ادينى عقلك … اصدقك ازاى ؟!!
ثالثا لما حضرتك تدرج على قوائك الارهاب بدرجه 87 و دى اعلى قوائم الارهاب باعتبارك منضم لجماعه ارهابيه و مش هقولك من مصر ده من الانتربول نفسه يعنى ناس لا تعرفنا ولا تعرفك …ز و برضه طالع و مكمل … يبقى اصدقك ازاى ؟!!
سؤالى لغاده نجيب … هو حضرتك طالعه فى فيديوهات لنفس القنوات المشبوهه دى بيقولولما ان حضرتك ناشطه سياسيه ؟ سؤالى لحضرتك … يعنى ايه ناشطه سياسيه … ايوه يعنى بتعملى ايه … معناه ايه المسمى الوظثفى …. طيب بلاش ايه هو الوصف الوظيفى لحضرتك …. يعنى حضرتك بتعملى ايه فى يومك المهنى … هل معنى ناشطه سياسيه انك تنظرى على النظام والحكومه ؟ !! …. فهمينى بس علشان ابقى عارف وهل لو دى مهنتك … مؤهلات حضرتك ايه علشان تبقى بتنظرى على الحكومه او النظام … دايما معروف بين ولاد البلد الجدعان فى الاحياء الشعبيه كده جمله مشهوره اوى اسمها (اللى بيقول مبيعملش … واللى بيعمل مبيقولش) …. و ده معناه بالتلخيص ان اى حد عايز يهل علينا و يقول كلام دى وظيفه ممكن اى حد يعملها مش محتاجه مؤهلات و دى مش وظيفه اصلا ….
ف هنرجع لنفس السؤال … اصدقك ازاى و انا معرفش ايه مؤهلاتك العمليه … وايه شغلانتك بالتوصيف علشان تطلعى علينا و تهلى و تتكلمى فى امور العامه و الشعب المصرى …. لان الوظيفه دى ده لو اعتبرنا ان دى وظيفه (مش سياسه) فى بلاد تانيه ليها رخصه و ليها مؤهلات معينه و دراسه لسنين طويله
