كلنا بنتغير في كل حاجه.. بنتغير من ساعه ما بنتولد لحد لما بنموت، بنتغير في ملامحنا و شكلنا وبنتغير فى تفكيرنا و ممكن أحوالنا الماديه تتغير و ظروفنا الشخصيه كمان … كل ده عادى و منطقى بس اللى مش منطقى إنك تلاقى شخص بيتغير ضد دولته يعنى إيه؟ يعنى يساعد كل ناس اللى ضد دولته اللى اتربى فيها و آوته و اتعلم فيها… الناس دول موجودين في كل حته في العالم على فكره و في كل دوله في العالم بس بتلاقى فيهم صفات مشتركه و فيه سمات شخصيه عندهم انت تقدر تتعرف عليهم منها لما تيجى تشوف منهم أمثله زى :
محمد ناصر:
ده واحد كان اعلامى و كان بيقدم برامج وطلع في كام فيلم كده في دور ثانوى بس بعد ثوره 30 يونيو سافر بره مصر وطبعا جرى على البلاد الراعيه للارهاب ويطلع كل يوم يتكلم على النظام في مصر و اللى بيتعمل انه اى حاجه بتتعمل هو هيطلع يقول عليها مش ايجابيه بس الأسلوب بتاعه ايه بقى يقعد يقولك في اسامى ناس و نظريات على أساس انه مثقف ويعرف بقى اللى الناس متعرفوش ده أسلوبه معتز مطر:ده كان اعلامى برضه و ده بقى يطلع في البرنامج بتاعه بيعمل زى محمد ناصر بالظبط بس بأسلوب مختلف عنه شويه اللى هو يطلع يزعق و قد ايه هو شخصيته كلها شجاعه و مروئه و قد ايه هو ابن بلد بس برضه كله البرنامج بتاعه بيتكلم على ان اى حاجه بتحصل في البلد بتبقى غير ايجابيه
خالد السيرتى:
ده طالع و عمال يتكلم على حركه اسمها أصحاب البلد على أساس بقى يعنى انه معاه ناس كتير من الشعب و هما أصحاب البلد على اعتبار ان فيه ظلم بقى في البلد بس هو مش واخد باله انه في كل فيديو طالع فيه بيؤيد نظام الاخوان علنا و ده المضحك انك فاكر انك لما تقول انا تبع نظام الاخوان ف انت بقى فاكر ان الناس هتبقى طوابير وراك …. ياعم فوق من اللى انت فيه انت و الجماعه اللى ممولاك و شوف التعليقات اللى على الفيديوهات بتاعتك ده حتى الكام واحد اللى بيتفرجوا عليك بيعارضوك
طيب نيجى بقى لخالد البلشى ده بقى واحد صحفى و بيقول انه مدافع عن حقوق الانسان … هنا بقى انا اول ما اسمع المنصب ده المفروض اتاثر و أقول ياه فعلا الراجل ده محترم … عايز بقى افهمك حاجه يا خالد يا بلشى وحاجه متعلقه بالسياسه المفروض ان انت بتلعبها … انت أصلا اول ما تحط كلمه حقوق انسان بعد اسمك الناس كلها هتعرف انك تبع الدول الغربيه و حاطط اسم حقوق الانسان ده علشان مش لاقى حاجه تعترض عليها في مصر لان حجه البليد هي حقوق الانسان …. كنت فين انت وقت ما الناس معترضه على الفوضى اللى كانت موجوده في رابعه كانت فين حقوق الانسان ساعتها لكن اكيد مش هتقدر تقول حاجه و ده اخرك لانك مجرد اخوانى
السمات المشتركه هي ايه بقى : ان كل الفيديوهات اللى بيعملوها كلها بتقول ان اى حاجه بتحصل في البلج هو غير ايجابيه كل اللى بيعملوه جاى من الدول الراعيه للارهاب بيقولوه نفس الكلام بس بطرق مختلفه و من اشكال مختلفه لكن المحتوى هو هو واحد وبرضه موتوا بغيظكم
