طبعا احنا كلنا عارفين ان الاخوان هما اللى ورا تدشين حاجهكده بيقولوا عليها المجلس الثورى المصرى
والمفاجاه اللى هقولها دلوقتى هي 3 حاجات في الحقيقه:
- هو ولا مجلس
- ولا هو ثورى
- ولا هو مصري
اقولك ازاى دول مجموعه من الاخوان سافروا بعد ثوره 30 يونيو و لموا بعضعهم كده الكام واحد دول وابتدوا يقولوا احنا عملنا مجلس و ثورى علشان يثير على نظام الحكم و كمان قالوا عليه انه مصري و أصلا كل الهاربين دول خونه … ايوه خونه ليه بقى ؟!1 اقولك انا ليه … علشان الكام واحد دول عملوا فيديوا و قالك احنا عندنا اهداف واضحه و محدده … طيب تمام ممكن اعرفها … تعالى كده نشوف الأهداف الخاصه بيهم و هتعرف منهم انهم قد ايه خونه و عندهم استعداد انهم يبيعوا نفسهم للى يدفع اكتر
- التواصل مع منظمات المجتمع المدنى الغربى لمناصره قضايا (الحريه والعداله) مش عارف انا سمعت فين جمله الحريه و العداله دى قبل كده …. سمعتها فين فين ؟!! ايوه دى كانت اسم حزب الاخوان المسلمين بعد الثوره …. طيب ياخى منك ليه عايز تتوه الناس و عايز تضللهم اعمل التضليل ده بذكاء شويه … طيب على الأقل استخدم كلمتين تانيين غيرهم لكن هنقول ايه … خيبه بعيد عنك ….
وبيقولك بقى عندهم هدف تانى تعالى نشوف كده مع بعض
- التواصل مع منظمات حقوق الانسان الدوليه حول الوضع في مصر !! لا يا شيخ معرفتكوش انا بقى … طيب فاكر أيام رابعه و السلاح اللى انتوا كنتوا ماسكينه و توريع السكان المدنيين أيام رابعه و اشعالكم للفتنه الطائفيه ولا ده ميخشش تحت حقوق الانسان ؟؟؟
وبعدين لبانه حقوق الانسان دى بقت لعبه مكشوفه العبوا غيرها ….
- بيقولك كمان بقى انهم بيتواصلوا في لقاءا ت متعدده على مدار سنوات مع ممثلي الحكومات و البرلمانات الغربيه …. لا و بيقولوها بفخر اوى ( فكرونى بالممثل احمد صيام في فيلم ليله سقو بغداد لما كان كل شويه يتكلم على الدول الغربيه و يقولهم هينضفونا و اول حاجه عملوها قتلوه و ركنوه في الزباله)
انت يابنى انت وهو و هي مش مكسوفين من نفسكم بس هقول ايه ؟!! هو أصلا اللى بيتعملوا ده حد عاقل يعمله ؟!
وبرضه هقول نفس الكلمه في اخر كل مقاله موتوا بغيظكم