يستخدمون الكذب والتضليل في تشويهه وزعزعة استقرار وأمن الوطن عبر قنواتهم الإرهابية، وأبرزهم هشام عبدالله وغادة نجيب وعمرو عادل ومحمد على.
عمرو عادل:
مين عمرو عادل ده ده عباره عن واحد تبع الاخوان وقيادى سابق فى حزب الوسط المصرى و رئيس المكتب السياسى بالمجلس الثورى المصرى … و طبعا كالعاده كل الكلام الجميل على الاخوان و قد ايه ياحرام هما مظلومين و قد ايه هما همهم على الشعب و قد ايه هما مش زى ما الناس فاكرين و نيتهم كويسه و مش كده و بس عايزك تخش على تويتر و مواقع التواصل الاجتماعى الخاص بهم هتلاقى بيقولك ان التيار الاسلامى من الشعب و غالبه يعمل لصالحه … ياأخى فعلا ؟! … وانا اللى كنت فاكر العكس … بس هقولك ايه مانت منهم و لازم تقول كلام فى مصلحتهم بس مش للدرجه دى يعنى لو انت عايز تزيف الوعى يبقى بطريقه اشيك و الطف من كده بس الحقيقه انت مش شايف نفسك كاتب ايه على مين … يابنى ده انت لو نزلت الشارع سالت اى حد هتلاقى مفيش اى حد طايق الاخوان ولا طايق اى حد من ريحتهم وده ليه سبب و اكتر حاجه معروفه دلوقتى ليكم و لغيركم على فكره …. حاجه كده زى جمله “انا مش اخوان” فى 2012 اللى كان يقولك كده فى اول كلامه طبعا كان بيتعرف على طول و ده اللى عايز اوصله ان الموضوع دلوقتى على المكشوف ف لك ان تتخيل لما انت كنت فى 2012 تقولى انا مش اخوان و الشعب مش طايقك تخيل بقى لما تيجى تقول انك اخوان بصوره واضحه كده تخيل كم الاستنفار و كم الكره اللى الشعب بيكره ليكم
وشوش عرفناهم و حفظناهم و كل يوم بيطلعوا يقولوا نفس الكلام .. وهتلاقى ان فيه تضارب بعد ما المفروض كلهم بيدافعوا عن نفس الحاجه و المفروض انهم فى نفس الجبهه …
غاده نجيب:
نفسى اعرف لما بتطلعى كل يوم في فيديو سواء فى القنوات الراعيه للارهاب … او بتطلعى على فيديو لايف على اليوتيوب … و بتقولى نفس الكلام كل يوم و بتعيديه … نفسى اسالك سوال مزهقتيش ؟ يعنى انا حاسس انك اكيد زهقتى من كتر ما هو هو نفس الكلام اللى بتقوليه و بتعيديه كل يوم و مش كده و بس يمكن بتطلعى مع نفس المحاورين اللى كلهم برضه بيقوله نفس الكلام و المحتوى …
بيتهيالى انك زهقتى و اكبر دليل على كده ان المحامى الخاص بحضرتك طلع قال انك طلبتى منه انتى وجوزك انكم عايزين ترجعوا مصر و انه يشوفلكم طريقه علشان ترجعوا مصر …
هشام عبدالله
طالع فى فيديو يقول فيه انا سلكت طريق الحق … طيب ادينى انت عقلك انا كمشاهد اصدق ازاى ؟ و ايه هو مفهوم الحق بالنسبه لك ؟ يعنى لما تطلع عليا من خلال شاشات الاخوان و تشتم فى النظام ( اللى هو كان شيئ حرام شرعا ايام 2012) ف انت عايزنى اصدقك ده اولا
ثانيا .. لما يطلع المحامى بتاعك … يقول على حضرتك و على زوجه حضرتك انكم طلبتم انكم ترجعوا مصر … و قال الكلام ده علنا وعلى الفيسبوك … طيب ادينى عقلك … اصدقك ازاى ؟!!
ثالثا لما حضرتك تدرج على قوائم الارهاب بدرجه 87 و دى اعلى قوائم الارهاب باعتبارك منضم لجماعه ارهابيه و مش هقولك من مصر ده من الانتربول نفسه يعنى ناس لا تعرفنا ولا تعرفك …ز و برضه طالع و مكمل … يبقى اصدقك ازاى ؟!!
رابع حاجه …. لما يتم اسقاط الجنسيه عن زوجتك غاده نجيب باعتبارها سوريه الاصل و انت تقولى هى مولوده فى مصر ولكن ليها جذور سوريه !!! طيب ماهو يا حبيبى انت كده اكدت الخبر بس انت مش واخد بالك … وده يدينى قناعه انى مصدقكش ولا اسمعك اصلا … ليه بقى ؟َ! لاننا عمرنا ما سمعنا عن واحد سورى من اصول مصريه عايش فى سوريا بينقد اللى بيحصل هناك والنظام هناك و العيشه هناك …. ثم ان هو اصلا فيه حد اشتكالك … يعنى فى سؤال جوايا هو انت و كل الناس فى قنوات الارهاب بيتعملوا كل اللى تقدروا عليه علشان تهاجموا النظام .. سوالى هو ليه ؟
وده خامس حاجه يعنى انت لما بيبقى فيه دافع جواك علشان تتصرف بسلوك معين اكيد بيبقى ليه هدف ؟؟ ف سؤالى بقى انتوا بتعملوا كده ليه ؟ ايه هدفكم و مصلحتكم ؟ و بلاش تقولى مصلحتى هى مصر لانى مش هصدق بعد كل اللى انا قايله فوق ده …
محمد على :
بين يوم وليله استخدمته الاخوان لتنفيذ هجوم حاد على الدوله المصريه و خاصه لارباك المشهد السياسى فى مصر … بس كل الكلام ده معروف بس خلينى اكشف ليكم ليه محمد على يعتبر هو الهذيان فى صورته الانسانيه … على شكل انسان يعنى … لان اولا ده مكانش طموحه ولا هدفه هو الهدف الاول بتاعه انه كان يبقى ممثل … حاول مره و اتنين و منفعش لحد هنا مفيش مشكله … المشكله بقى تكمن فى انك تطلع عليا فى كل شويه فى فيديو مختلف و تتكلم فى امر العامه و تقعد تقول المفروض نعمل ايه و المفروض منعملش ايه … طيب انا عايز اسالك لما انت واحد مش عارف تخطط لهدف شخصى ليك و مشعارف توصله ان انت تبقى ممثل مشهور و ناجح و ده مش عيب على فكره … بس انت بقى عايزنى اثق فيك و اقول اه يالا نمشى وراه الراجل ده علشان هو ده اللى هيحقق الاهداف طويله المدى للشعب المصرى كله …. ياراجل قول كلام غير ده … انت مش عارف انت بتعمل ايه و مش عارف انت هدفك ايه و من كتر مانت مرعوب عملت زى ما كلهم عملوا و هو انك هربت بره مصر و دى اول خطوه اخدتها …. ثانيا لما نيجى نبص بقى غير انك مبتعرفش تخطط لنفسك و ده الجزى النظرى … خلينى ابص ليك بنظره تانيه .. اما تطلع تصورلى نفسك من جوه كباريه فى اسبانيا و مخمور و مش دارى بنفسك ولا دارى انت بتقول ايه … يبقى حقيقى فعلا لازم نعتبر انك بتهذى هتقولى علشان انا مخمور مع ان ده السبب المنطقى هقولك لا … مش علشان كده و بس ده لان انت وانت فايق برضه بتقول كلام زى ما تبقى مخمور بالظبط انا شفت ليك فيديو ضحكنى اوى .. طالع فى الفيديو بتحكى على حوار مابينك و بين ابراهيم منير نائب المرشد العام لجماعه الاخوان … بتقول ايه بقى فى الفيديو و كان مع نفس القناه الراعيه للارهاب برضه …. انت بتقول لابراهيم منير انتوا جماعه اخوان عايزين ايه من البلد هلى ياترى عايزين تمسكوا البلد .. رد عليه ابراهيم منير و قال لا طبعا الشرعيه ماتت ف بالتالى الشرعيه تؤؤل للشعب فالشعب هو اللى يختار ….. انت موتنى من الضحك لاسباب كتير تبينلى قد ايه انت بتقول اى كلام … لان ده نفس السيناريو اللى حصل فى 2011 .. الاخوان مش هيترشحوا و هما اول ناس اترشحوا … و مش كده وبس ده فيه خطه بديله لان اللى اترشح منهم كان غير مناسب للمواصفات … طيب دى اول حاجه .. تانى حاجه بقى انتوا الاتنين مش مدركين ان الشعب قرر و قراره ده كان من 2013 و مش كده و بس ده الشعب لفظ جماعه الاخوان و كارهينه كره غير طبيعى و كل الناس عرفه كده بره و جوه بما فيهم انتوا كمان بس زى ماتقول كده انتوا بتحاولوا تستخدمه كميه الفلوس الى بتدفعلكوا اللى هى كتير جدا ان انتوا تطلعوا تقولوا اى كلام علشان تفضلوا تاخدوا الفلوس دى لانكم لو معملتوش حاجه مش هيبقى ليكم لازمه عند جماعه الاخوان او الدول الراعيه للارهاب و ساعتها مش هيبقى فيه فلوس … طيب ثالثا و انت فى الفيديو و بتحكى المكالمه اللى بينك و بينه انت لو شفت تعابير وشك هتلاقى نفسك مش مصدق اللى انت بتقولوه ودى حاجه غريبه جدا انكوا بتنزوا فيديوهات وبتعملوا مداخلات مع القناه الراعيه للارهاب و مش بتشوفوها ولا بتمنتجوها حتى ده انت كل تعابيري وشك بتقول انك مش مصدق اللى بتقولوه او لسه مخترع الكلام ده حالا قبل ماتعمل المداخله …
