المجلس الثورى المصرى … اسم لايمثل ما يعنيه … ده ليه بقى ؟؟! علشان اولا الناس اللى هما اعضائه هما اصلا معاهم اكثر من جنسيه ده رقم واحد.. اثنين انتوا تعرفوا ايه عن الشعب ولا معاناه الشعب اللى هم بيتكلموا عليه ولا مش كده وبس ده قال ايه عايزين الناس تنزل يوم 25 يناير …. طيب انت تعرف ايه عن الناس اللى نزلوا يوم 25 يناير 2011 … ده انتوا اللى سرقتوا الثوره وركبتوا الموجه اصلا … جايلى من بلد بتكره مصر ومعاك جنسيتها انت وهو و بتقولى الناس عايشين فى قمع و لازم ينزلوا يوم 25 يناير … طيب انا عايز اسالك بقى المجلس الثورى المصرى على طريقه عيشه الناس دول و مين اللى بيمولك وليه اصلا مهتم ان الناس تنزل يوم 25 يناير اصلا ؟ انت اولا ولا تعرف عيشتهم عامله ازاى و عمرك ما عرفت ولا اهتميت عارف ليه … اقولك لان انت دى اخر حاجه انت بتفكر فيها … لان انت طبعا عندك الاجنده الخاصه بي … ولما بيحصل عندكم تظاهرات فى البلد اللى انت عايش فيها ومعاك جنسيتها مش برضه بيتم القمع والشرطه بتقبض على الناس هناك ولا ايه .. بس انت استحاله انك تطلع وتقول الكلام ده علنا
حابب بس افكركم بحاجه .. ان المؤتمر اللى انتوا عملتوه و تقولى المجلس الثورى المصرى و بتدعوا الناس و المواطنين انهم ينزلوا يوم 25 يناير .. عايز اقولكم ده بعدكم ليه بقى لان مفيش حد من الشعب بيصدقكوا غير الاثنين ثلاثه اللى هما اصلا منكم .
ثانيا ان الناس لما شافت ايامكم 2012 الناس بقت عارفه انتوا بتعملوا ايه و مش كده وبس … الناس قريتكم و فهمتكم و عرفه ان انتوا ممكن تعملوا اى حاجه علشان توصلوا للسلطه
ثالثا وده الاهم … اوعى تكون فاكر ان دعواتك للتظاهر دى الاجهزه الامنيه هتسيبها … لا بل بالعكس ان الاجهزه الامنيه مركزه معاكم واحد واحد و اى نشاط هيحصل او تجمعات علشان ينتج عنها تخريب و زعزعه استقرار للبلد بعد اللى وصلتله .. هيتم التعامل معاه اكيد … و مش كده وبس انت كده بتقول للناس انزلوا الشارع و اعملوا و اتظاهروا … وانت بقى قاعد باشا فى بلدك و مش حاسس باى حاجه و الناس هى اللى تروح فى الرجلين ليه بقى لان انت عايز كده بس صدقنى اجهزه الامن مركزه وصاحيه جدا و عارفين ازاى يتعاملوا مع الازمات و يتعاملوا ازاى مع المواقف الصعبه … هتقولى انا هنزل احتفل هقولك اصلا انت مش عايز تحتفل انت عايز تزعزع الاستقرار … وعلشان كده لازم تبقى فاهم انك مش اقوى طرف فى اللعبه … انت متشاف و معروف وسواء قولتلى انا هنزل اتظاهر او احتفل … ليه بقى لان ده مش غرضك انت نفسك ان مصر تقع .. وتبقى زيها زى دول الجوار قعدتوا تقولوا الانظمه كانت قمعيه … من 2003 العراق مرجعتش و شوف سوريا دلوقتى حالها عامل ازاى و مش كده وبس ده ليبيا جزء كبير جدا محتل من تركيا و انت جايلى من بره و تقولى نفس النغمه اللى كنا بنسمعها سنه 2011 … يا شيخ روح و خليك مركز مع نفسك و حالك … وسيبنا فى حالنا بس اقولك انت مش هتسيبنا فى حالنا لان هو ده هدفك الرئيسى … بس هرجع واقولك تانى انت متراقب و الاجهزه الامنيه واخده بالها من كل حاجه و على اتم الاستعداد على التعامل مع التجمعات اللى من شانها تخريب و زعزعه الاستقرار اللى احنا وصلنا ليه فى وسط منطقه كلها حروب.
