لما دايما نتكلم على الانجازات … يجى دايما فى ذهننا وجه الاستفاده على طول … يعنى جمله انجاز او مشروع قومى دى كربوطه باستفاده او فايده فى الاخر …
ف تعالوا نتكلم كده عن المشروعات القوميه الضخمه على اختلاف انواعها فى مختلف القطاعات منها اللى خلص و منها اللى لسه و ايه وجه الاستفاده و خصوصا للمواطن اللى هو يعتبر المستهلك الاخير …
لو بنتكلم فى قطاع التشييد والمبانى …
اول حاجه هتيجى فى ذهننا … مشروع بناء العاصمه الاداريه الجديده و مدينه العلمين الجديده … كان عباره عن حلم و الحمد لله بيتحقق دلوقتى …
وجه الاستفاده … هو تقليل البطاله و الاستفاده من القوى العامله المصريه فى قطاع البناء و التشييد بالاضافه الى تحريك سوق العقارات من خلال المستثمرين اللى من اهم العناصر فى وقتنا الحالى
وكمان وجود الجهاز الادارى للدوله فى مكان واحد ده بيسهل على المواطن لما يجي يتعامل مع مختلف القطاعات هتبقى كلها فى مكان واحد
المشروع تانى هى مشاريع الاسكان و بدايه من الاسمرات الى المشاريع الاسكانيه الاقتصاديه لمحدودى الدخل و متوسطى الدخل
وجه الاستفاده …. هو توفير حياه كريمه لكل مواطن مصرى حتى لو محدود الدخل او ممتوسط الدخل بامتلاكه شقه بجميع المرافق بشكل قانونى يتم تقسيطها على المدى الطويل
لو بنتكل فى قطاع الطرق والنقل …
اصبح هناك شبكه طرق قويه و عملاقه و خصوصا فى القاهره الكبرى لتخفيف الضغط و الالزحام المرورى الخانق … وشبكه الطرق العملاقه دى متواجده فى اكقر المناطق حساسيه ( محور روض الفرج اللى بيربط شرق مصر بغربها – مصر الجديده – مدينه نصر .. الخ)
وجه الاستفاده هو التنقل فى سلاسه و بسهوله و تخفيف الزحمه الخانقه للمواطن المصرى
لو هنتكلم على النقل يبقى لازم مننساش قناه السويس الجديده اللى اتنفذت فى زمن قياسى و هو عام واحد فقط
وجه الاستفاده: كانت من شانها تعظيم الفائده على الدخل القومى المصرى لان السفن لما بتمر منها بتاخد وقت اقصر للوصول
لو هنتكلم على قطاع الزراعه ف عندنا مشروع المليون و نصف المليون فدان
وجه الاستفاده : لتعظيم وتوسيع الرقعه الزراعيه المصريه للاستفاده من المنتجات الزارعيه سواء فى استخدامها المحلى او تصديرها للخارج سواء كانت مواد استهلاكيه مثل الطماطم او مواد خام مثل القطن
لو هنتكلم على قطاع الصناعه : يبقى نتكلم على مدينه دمياط الجديده اللى رجعت طعم الصناعه تانى للمحافظه الكلاسيكيه و مجمع الصناعات الصغيره و المتوسطه
وجه الاستفاده : هو تقليل البطاله و تعظيم الناتج الاجمالى المحلى و تعظيم الصادرات المصريه
لو هنيجى نتكلم على قطاع الثقافه و التراثيبقى لازم نتكلم على المتحف المصرى الكبير و روعته
المشروع الجميل الحلم اللى رجع لمصر تانى اناقتها المشروع جمب الاهرامات و بتصميم غايه فى الروعه و فيه الاثار بشكل مجمع
وجه الاستفاده : هو تنشيط السياحه وبالتالى سيتم التداول الكثيف للعمله الصعبه مما يعزز من قدره مصر الماليه
لو هنيجى نتكلم على قطاع الصحه : يبقى لازم نقول التصدى الكفء الاكثر من رائع لمواجهه ازمه كورونا فى كيفيه التعامل اما من خلال وسائل الاعلام لتحذير المواطنين و تحجيم انتشار الوباء
و ايضا منظومه التامين الصحى الشامل الذى يعتبر من اكبر المشاريع الصحيه الى اقيمت فى مصر فى التاريخ الحديث و بيهدف الى ان كل مواطن مصرى يبقى ليه تامين صحى يقدر يستغله علشان يتعالج و ده وجه الاسفاده القصوى لانه بيصب فى مصلحه المواطن بطريقه مباشره
ولازم نذكر المشروع الاضخم على الاطلاق وهو الاستثمار فى الشباب و عقولهم بدايه من اطلاق البرنامج الرئاسى لتاهيل الشباب للقياده مرورا باقامه مؤتمرات و منديات عالميه لتصبح منصه حوار مجتمع محلى و دولى و تاهيل الشباب و الكوادر الكف لتولى المناصب القياديه (محافظين- نواب محافين- مساعدين وزراء… الخ)
