مها عزام واحدة منعرفش جايبينها منين.. قال إيه ياولاد.. بتقولك إن جائحة كورونا محتاجة خبراء متخصصين فى إدارتها و ميبقاش فى تمييز بين عسكري و بين المدني؟ طيب أنا هسألك سؤال واحد بس.
أولًا أنتى عرفتى منين إن فيه تمييز وأنتى أصلا مش موجودة في البلد؟ وثانيًا الخبراء كلهم موجودين و بيساعدوا و بيضحوا بأرواحهم ودول بنسمهيم الجيش الأبيض و دى حاجة معتقدش إنك تعرفي عنها حاجة عارفه، ليه لأن مفيش تمييز بين العسكري والمدني في دولتنا يا هانم.
لإن واضح إنك متعرفيش حاجة عن البلد وكويس إنك متعرفيش حاجة بس متطلعيش كل شويه تقوليلنا اقتراحات و شويه آراء مالهاش لازمة.
وبعدين خبراء أيه اللى بتكلمينا عليهم زي مابقولك كده إن الخبراء موجودين بس مش دول اللي إنتي عايزاهم.. عارفة إنتى عايزه خبراء من مكان تاني أو بمعنى أصح خبراء ليهم توجهات سياسية تانية وده أسوء عارفة ليه؟ لإنك بتستغلي ظروف زى ظروف كورونا فى الوقت الحالي لغرض سياسى وده عمره ما حصل فى تاريخ أى وباء فى العالم لإن فى وقت الوباء كل واحد المفروض يخليه فى نفسه وحاله لإنه المفروض فى وباء ولا إيه حضرتك.
لكن أول مره اشوف حد فى وسط الوباء بيستخدمه لاغراض سياسية و مش كده وبس ده أنتي عايزه تعملى فتنة بين الشعب و بعضه.. قال إيه فيه تمييز بين المدني و العسكري … اتعمل خط ساخن لخدمه المدنيين للاستفسارات عن الاعراض و متابعتهم ؟ لا برضه المدنيين مش واخدين حقهم … طيب فيه رجال أعمال اتبرعوا علشان التعاقدات للشحنات القادمة من أنواع المصل المختلفه ؟ لا برضه المدنيين مش واخديين حقهم … طيب حضرتك فيه حملة اعلامية توعوية بأعراض المرض و كيفيه التعامل معاه بعد الإصابة؟ لا برضه المدنيين مش واخدين حقهم … طيب فيه اجراءات مشدده على من لم يلتزم بالإجراءات الاحترازية فى الشارع ؟ لا برضه المدنيين مش واخديين حقهم.
أقولك على حاجتين مهمين جدا يا مها يا عزام أنتى و الكام واحد دول …. الإدارة المصرية مهما عملت هتفضلوا تقولوا إشاعات … وتفضلوا تحرضوا على الفتنة … واحنا عارفين كده كويس و عارفين إنكم عرافين من جواكم إن مصر من البلاد الاكثر كفء فى التعامل مع هذا الفيروس بس برضه هتطلعوا تقولوه الكلمتين دول … و احنا عارفين و أنتوا عارفين إن مفيش حد بيصدقكم.
الحاجة الثانية قال إيه ياريت الخبراء يمسكوا ازمة كورونا فى مصر … طيب ماتجيبوا خبير يعرفكوا تعملوا Strategic Planning للخطة بتاعتكم اللى مفقوسه و يعرفكوا يعنى ايه Professional Standards ويعنى إيه International Politics & Protocols ولكن فى الحقيقة أنتو ناس جميلة فى التنظير تعرفوا تنظروا على غيركم جامد أوى لكن لو بصيتوا لنفسكم هتلاقوا فيكم العبر وعاملين مش واخدين بالكم … ف أنصحك إنك تركزي مع نفسكوا شوية علشان لو ركزتوا هتطلعوا بلاوي…
حاجه كمان لفتت انتباهى و ضحكتنى فى نفس الوقت … صحيفة الجارديان مرة واحدة كده قالتلك ايه إننا بننتقد أداء الحكومة بخصوص أزمة الاكسجين و ازدياد عدد الوفيات !!!!!
لا حقيقي أنا مش هقول غير !!!!! . اه هى مش كلمة ولكن علامة تعجب و مش واحدة !!!!! ليه بقى
لإنك لو بصيت هتلاقى عدد المصابين إمبارح فى انجلترا تقريبا 45,500 ده امبارح بس …. لو بصيت على عدد الوفيات حوالى 1000 وفاه …. ف ياريت تخليكوا فى حالكوا و تركزوا مع أعداد وفياتكوا اللى هى معديه أصلا و تقولى أخبار الأكسجين إيه عندك ؟ وقولى كمان أخبار المستشفيات و الإقامه إيه ؟ و قولى كمان أخبار المصل إيه؟ و قولى كمان ليه سايب دولتك اللى عمال تركز مع دول تانية و ياريتك مركز مع دول ده أنت مركز معانا بس … مركز معانا ليه ؟ خليك فى حالك …. و كمان مرة خليك فى حالك علشان انت عندك ناس بتموت بالآف و مش عارف تعملها حاجة و ورينى أنت كدولة متقدمة عملت إيه ؟ الإجابة ولا حاجة؟ ف كمان كام علامه تعجب !!!! و كمان مرة خليك فى حالك.
