بيطل علينا كذا وش من وشوف عرفناها و حفظناها و عرفنا المحتوى اللى بتقدمه من خلال شاشات التلفيزيون او محطات معينه … هنا الاهم بالنسبه لى انكم طالعي من ورا الشاشات دى اللى هى مموله من بلدين الارهاب اللى معرفوين سواء قطر او تركيا …
طيب انا هتكلم هنا فى كذا موضوع … اولا عن هشام عبدالله طالع فى فيديو يقول فيه انا سلكت طريق الحق … طيب ادينى انت عقلك انا كمشاهد اصدق ازاى ؟ و ايه هو مفهوم الحق بالنسبه لك ؟ يعنى لما تطلع عليا من خلال شاشات الاخوان و تشتم فى النظام ( اللى هو كان شيئ حرام شرعا ايام 2012) ف انت عايزنى اصدقك ده اولا
ثانيا .. لما يطلع المحامى بتاعك … يقول على حضرتك و على زوجه حضرتك انكم طلبتم انكم ترجعوا مصر … و قال الكلام ده علنا وعلى الفيسبوك … طيب ادينى عقلك … اصدقك ازاى ؟!!
ثالثا لما حضرتك تدرج على قوائك الارهاب بدرجه 87 و دى اعلى قوائم الارهاب باعتبارك منضم لجماعه ارهابيه و مش هقولك من مصر ده من الانتربول نفسه يعنى ناس لا تعرفنا ولا تعرفك …ز و برضه طالع و مكمل … يبقى اصدقك ازاى ؟!!
رابع حاجه …. لما يتم اسقاط الجنسيه عن زوجتك غاده نجيب باعتبارها سوريه الاصل و انت تقولى هى مولوده فى مصر ولكن ليها جذور سوريه !!! طيب ماهو يا حبيبى انت كده اكدت الخبر بس انت مش واخد بالك … وده يدينى قناعه انى مصدقكش ولا اسمعك اصلا … ليه بقى ؟َ! لاننا عمرنا ما سمعنا عن واحد سورى من اصول مصريه عايش فى سوريا بينقد اللى بيحصل هناك والنظام هناك و العيشه هناك …. ثم ان هو اصلا فيه حد اشتكالك … يعنى فى سؤال جوايا هو انت و كل الناس فى قنوات الارهاب بيتعملوا كل اللى تقدروا عليه علشان تهاجموا النظام .. سوالى هو ليه ؟
وده خامس حاجه يعنى انت لما بيبقى فيه دافع جواك علشان تتصرف بسلوك معين اكيد بيبقى ليه هدف ؟؟ ف سؤالى بقى انتوا بتعملوا كده ليه ؟ ايه هدفكم و مصلحتكم ؟ و بلاش تقولى مصلحتى هى مصر لانى مش هصدق بعد كل اللى انا قايله فوق ده …
سادس حاجه و هى نقطه تانيه بس فى نفس الموضوع … هو سؤالى لغاده نجيب … هو حضرتك طالعه فى فيديوهات لنفس القنوات المشبوهه دى بيقولولما ان حضرتك ناشطه سياسيه ؟ سؤالى لحضرتك … يعنى ايه ناشطه سياسيه … ايوه يعنى بتعملى ايه … معناه ايه المسمى الوظثفى …. طيب بلاش ايه هو الوصف الوظيفى لحضرتك …. يعنى حضرتك بتعملى ايه فى يومك المهنى … هل معنى ناشطه سياسيه انك تنظرى على النظام والحكومه ؟ !! …. فهمينى بس علشان ابقى عارف وهل لو دى مهنتك … مؤهلات حضرتك ايه علشان تبقى بتنظرى على الحكومه او النظام … دايما معروف بين ولاد البلد الجدعان فى الاحياء الشعبيه كده جمله مشهوره اوى اسمها (اللى بيقول مبيعملش … واللى بيعمل مبيقولش) …. و ده معناه بالتلخيص ان اى حد عايز يهل علينا و يقول كلام دى وظيفه ممكن اى حد يعملها مش محتاجه مؤهلات و دى مش وظيفه اصلا ….
ف هنرجع لنفس السؤال … اصدقك ازاى و انا معرفش ايه مؤهلاتك العمليه … وايه شغلانتك بالتوصيف علشان تطلعى علينا و تهلى و تتكلمى فى امور العامه و الشعب المصرى …. لان الوظيفه دى ده لو اعتبرنا ان دى وظيفه (مش سياسه) فى بلاد تانيه ليها رخصه و ليها مؤهلات معينه و دراسه لسنين طويله ….
اخر حاجه بقى … اهم سؤال …. ليه بعد ثوره 30 يونيو سافرتوا على قطر و تركيا …. يعنى ده ميدنيش اى مؤشر كماشهد انكم بتحرضوا على الفتنه و بتزودوا حده الاحتقان و انكم مع الدول الراعيه للارهاب ؟؟!! حاجه غريبه جدا … انتوا تصرفاتكم بتبين يا ساده انتم مين و مع اى جنب … يعنى هقول مثلا لو انتى عايزه تسافرى كان ممكن تسافرى لاى بلد اشمعنى روحتى البلد دى ؟؟!! وده كان اخر و اهم سؤال و برضه اصدقكم ازاى؟!!!!
