قال الكابتن إبراهيم حسن، مدير الكرة بنادي المصري، إن المستشار مرتضى منصور، رئيس نادي الزمالك، «عيل مالوش لازمة بيحب يهزأ نفسه».
وأضاف «حسن»، في مداخلة مع برنامج «كورة بلدنا»، مساء الاثنين، إن «واحد (رئيس الزمالك) بالسن ده، واحد عنده أحفاد، ولحد الوقت مش عايز يحترم نفسه».
واعتبر مدير الكرة بنادي المصري أن «منصور» هو «السبب الرئيسي في إن النادي (الزمالك) مش هتقوم له قومة، ومش سايب حد خالص، ولسانه غلّاط».
وتابع: «المفروض في دولة، وأنا بسأل هل هذا الشخص هيفضل يإذي في الناس ويتساب؟ أنا بوجّه رسالة للرئيس السيسي إن هذا الشخص مؤذي للسمع والبصر».
وأشار إلى أنه أثناء وجوده في نادي الزمالك مع أخيه حسام حسن، «أغلق عليه غرفة في النادي مع ابنه، وكان بيصرخ زي الحريم، واستنجد بالناس».
وأوضح أن «منصور» تسبب في «موت ناس كتير، 22 واحد من مشجعي الزمالك، واتسبب في سجن ناس كتير صغيرين، واتسبب في موقعة الجمل، وبيتكلم عن البلطجة».
وشدد على أنه «هاجي ألطّشه 700 قلم، واللي هيفلت مني هييجي على أبنائه، وهديله بأقل أقل حاجة في رجلي، بس المشكلة عنده أحفاد وعنده بيت»، مضيفًا: «يا أخي اعمل لآخرتك».
وحذر «حسن» رئيس الزمالك من الاقتراب منه أو من أخيه، مشددًا على أنهما «خط أحمر (..) راجع نفسك مليون مرة قبل ما تفكر فينا»، مشيرًا إلى أن «دخوله السجن مأثر عليه عصبيًا، وقعته سودا معايا جدًا».
وشن «منصور» هجومًا مماثلًا، من قبل، على التوأم، واتهمهما بتأجيج جماهير بورسعيد وتهيأته لارتكاب مذبحة استاد بورسعيد بحق جمهور نادي الأهلي.
