حكى الفنان أحمد حلمى عن موقف كوميدي جمعه بالراحلة شمس الأتربى والدة الفنان عباس أبو الحسن و عضو مجلس أمناء جائزة ساويرس الثقافية خلال تكريمه بالحفل.
وقال: “عزمتني على صالون ثقافي، وكان أول مرة أدخل بيتها، ووجدت عدد كبير من الناس، دخلت ومعايا تورتة، تركتها على الترابيزة في المدخل، مرت شمس ووقفت قدامها، وحظى إنى كنت واقف جنب الترابيزة”.
وتابع: “لقيتها رفعت حاجبها، وقالت: “مين الحمار قليل الذوق اللي جاب التورتة دي”، ده حقيقى وكانت أول مرة أروحلها البيت، فجتلى صدمة، مش عارف حمار ليه؟!”.
وأضاف: “أتوترت جدًا.. الحاجب مانزلش وبصت للتورتة وندهت عباس، مين اللي جاب التورتة دي، قالها أحمد، قُلتلها هاخدها وأنا ماشي، قالتلي أول وآخر مرة تجيب حاجة في البيت، أوعى في يوم أعزمك وتجيب حاجة ده بيتك، ومن يومها العلاقة بيني وبينها كانت حلوة لأني عمري ما روحتلها وجبتلها حاجة”
