كشف الفنان حسن الرداد العديد من المفاجأت و أسرار من حياته الشخصية والفنية، بعد زواجه من الفنانة إيمي سمير غانم، وذلك خلال لقائه أمس السبت مع أبلة فاهيتا، ببرنامج “الدوبلكس”، المذاع على قناة “cbc”، ..
كشف الفنان حسن الرداد عن بعض أسرار علاقته الزوجية مع الفنانة إيمي سمير غانم، قائلًا: “مراتي بتدلعني وتقوللي يا زفت، وأكتر حاجة بتعصبها مني اني باكون مشغول بالموبايل وهي قاعدة، بس بتوصفني دايما إني مخلص”، واتعلمت من إيمي الجبروت، وعلمتها تبقى دمها خفيف وشقية، باهزر باهزر مراتي زي العسل”.
وعن نفي ارتباطه بإيمي، قال الرداد: “ماكنتش باحب أتكلم عشان الشائعات، بس أول ما قررنا نتجوز كل الناس عرف”.
كما صرح عن انتمائه الرياضي قائلًا أنا أهلاوي وباروح الجيم 5 مرات في الأسبوع واستكمل: “أنا أهلاوي، بس برضه باحب الزمالك والإسماعيلي، وباروح الجيم 5 مرات في الأسبوع وباعرف أعمل ضغط كويس”.
كما كشف الرداد عن علاقته بوالدته قائلًا: “إحنا قاعدين عند ماما عشان لسه بنخلص العفش، وهي مستحملانا، وانا باحب أدلعها وأبوس رجلها على طول”.
اما عن صفحته على موقع التواصل الاجتماعي فيس بوك علق قائلًا: “حصلي مشاكل كتير من الفيسبوك، وناس بتعمل أكونت باسمي ويطلبوا فلوس، فعملت صحفة رسمية باسمي وفيه ناس مسئولين عنها”.