خلال مداخلة هاتفية لها ببرنامج “كل يوم”، على فضائية “ON E” , نشبت مشادة كلامية بين إلهام شرشر زوجة اللواء حبيب العادلى وزير الداخلية الأسبق، والإعلامى عمرو أديب، .
قالت شرر موجهة كلامها لأديب:”ما تزعقش وأنت بتكلمنى”، رافضة الرد على سؤال حول مكان العادلى فى الفترة السابقة: “دى مش بتاعتك ولا بتاعة حد خالص”، مشيرة إلى أنه لا يصح أن يتناول وزير داخلية الذى ظل يحافظ على البلد 14 سنة، وخدم البلد.
وأضافت، أن هناك فرق بين الإعلامى والمسئول المتخصص الذى يتحدث كخبير، مردفة:” انت النهاردة بتلعب جميع الأدوار وده اسمه احتكار، وتحكم فى توجيه الراى العام”، ورد أديب:” اللى بينى وبين حضرتك سؤال وإجابة، أرجوكى مش عاوزين نخش فى مجال نقيّم بعض”، وقاطعته :”ما تكلمنيش باللهجة دى”.
وتابعت: “اللى قتل المتظاهرين فى شهر يناير، اللى لسه بيقتلوا جوه فى البلد، هم أصابع المؤامرة من أبناء مارقين أو كانوا عملاء مباشرين أجانب اخترقوا البلاد فى هذه الفترة، وحتى الآن يخربون ويقتلون، لو كانت الشرطة هى اللى قتلت كانت هتبقى بحور من الدم”.
