نفت الفنانة رجاء حسين أي صلة لها بالصورة المتداولة على مواقع التواصل الاجتماعي “فيس بوك”، مع الفنانة بوسي، مؤكدة أنها لم ولن تحضر أي مناسبة اجتماعية في حياتها، قائلة: “أنا عندي 80 سنة عمري ما روحت فيهم مناسبات زي دي أنا منفصلة تمامًا عن الخروجات والظهور الاجتماعي ده”.
وقالت الفنانة وهي تبكي “ليه تشوهوا صورتي بعد العمر ده ليه؟ شوفتوا مني إيه طول حياتي يخليكم تشوهوني كده؟”.
طالبت “حسين” من المروجين والمصدقين بأن تلك صورتها أن يذهبوا لها في المكان الذي يريدونه ليقارنوا بأنفسهم ويرونها على الطبيعة للتحقق من أنها ليست صاحبة الصورة، مطالبة إياهم بأن يبحثوا عن صورها في تكريماتها طيلة حياتها، وأثناء حضورها مهرجان القاهرة السينمائي سابقًا قائلة: “يشوفوا مهرجان القاهرة اللي كله سواريهات وريد كاربت وناس بتتصور، وصوري فيه كلها ببنطلون وبالطو أو بلوزة طويلة عليه.. هي دي أنا.. ومش أنا والله اللي تلبس سواريه”.
في سياق متصل، قالت “حسين” إنها لا تعرف الفنانة بوسي تمامًا، مضيفة أنها بحثت وتحرت عنها لكي تعلم من هي وتعرف من شبيهتها تلك متابعة: “أنا تحريت عن صاحبة الصورة ولقيت أن أسمها بوسي، وحاولت أوصلها عشان أعرف مين اللي معاها دي وأقولها تطلع تبرئني قدام الناس عشان يبطلوا يشوهوا في صورتي بالشكل ده”.
مصدر الخبر :
