“برديس تعتزل الرقص بعد وفاة غزل.. وتؤكد: “قرار لا رجعو فيه

أعلت الفنانة والراقصة برديس، اعتزالها مجال الرقص الشرقى، مرجعة قرارها لرحيل الراقصة غزل، التى رحلت عن عالمنا الأسبوع الماضى.

وكتبت برديس عبر حسابها على “فيس بوك” :”لكل حبايبى وإخواتى وأصحابى اللى بيحبولى الخير أحب اقولكم أنا اعتزلت الرقص الشرقى تماما وقرار لا رجعة”.

وأضافت: “بجد أد إيه الإنسان لسان فى ثانيه عند ربنا وأنا كنت على علم بكده بس بجد الواحد كان فى غفله قسما بالله إن أول مره أفقد حد كنت بشوفه قدام عيني من نفس المجال والله العظيم من يوم سماعى الخبر وأنا مدمره وعدم حضورى الجنازة والله العظيم كنت خارج مصر بس الله يرحمها وقطع لسان أي حد يجيب سيرتها”.

وواصلت:” محدش عالم بظروف حد إلا ربنا فالحمد لله ده قرارى بجد وعلى فكره أنا مش لبسه الحجاب أنا عايشه حياتى بالتزام وعايشه سنى اللى بيضيع منى فى مجال كله ياله نفسى وربنا يديني الخير ويديني الذريه الصالحه.

وأضافت برديس ” أنا مش مسؤلة عن أى صفحه تنزل صور ببدل أو أي فيديوهات أو أي كليب نزل او هينزل دي حاجات قديمه انا صفحتى دى الشخصيه، وأنتو كلكو أصحابى وبحبكم. ربنا يحسّن خاتمتنا وموت الغفلة ويهدينا جميعا”.