أثار إعلان «التحدي هو زين» والذي بدأت القنوات الفضائية في عرضه بالتزامن مع بدء شهر رمضان الكريم، فضول الكثير من المشاهدين.
«زين علمني الطاقة الإيجابية.. زين ده مصدر قوتي.. زين هو الأمل.. مفيش بطل يجي سنتيمتر من البطل اللي هو اسمه زين.. التحدي هو زين».. كانت هذه كلمات الإعلان مثير التساؤلات حول هوية «زين»
وكشف أحد مستخدمي موقع التواصل الاجتماعي «فيس بوك»، يدعى أحمد بلال، عن قصة زين، واتضح أنه طفل مصاب بالسرطان.
وقال «بلال»: «ده زين بتاع الإعلانات، الطفل ده اسمه زين يوسف، متشخص بأسوأ أنواع السرطان وأندرها، وهو سرطان الخلايا الجذعية، ومش بس كدة ده كمان من الدرجة الرابعة، وهو عنده 3 سنين، نوع السرطان دة نادر جدًا ويتم اكتشافه فى الصدر والبطن والعظام والنخاع»
وتابع «بلال»: «وبالرغم أن سن زين صغير، إلا أنه بدأ رحلة علاجه الصعبة من كيماوي وعمليات وعلاج بالإشعاع والتجارب السريرية، وبعد لما خلص المرحلة العلاجية الأولية هاجم السرطان مخه بعد شهرين بس، وحاليًا زين مازال يحارب السرطان، وتخيل وهو بيحارب أسوأ أنواع السرطان، زين بيروح المدرسة وبيذاكر وبيتدرب تايكوندو ومعاه الحزام الأسود
وأكمل «بلال»: «الشهر ده زين تم 10 سنين، ومازال في رحلته وبيحاول، وأهله عندهم أمل كبير، وعمرهم ما حسو باليأس برغم أن زين صغير على مرض خطير زي ده، عشان ميحسش أنه لوحده عملوا الإعلان اللي بنشوفه في القنوات، شيء عظيم في الصبر والتحمل على طفل في سن زين برغم لو عرفت مدى الألم في علاج زي العلاج بالإشعاع».
