أوضح هيثم عرابي مدير التعاقدات السابق بالنادي الأهلي، والصديق المقرب للمهاجم الجابوني ماليك إيفونا، حقيقة عودة اللاعب لصفوف النادي الأهلي بعدما قام بنشر صورة بقميص الأهلي عبر حسابه على انستجرام وكتب عليها “العودة”.
وكتب عرابي عبر حسابه على فيسبوك: “الله يسامحك يا إيفونا صحتني من أحلى نومة، يا شباب فريق الأهلي ماشي باستقرار الحمد لله وكوليبالي وأجاي ماشيين كويس الحمد لله ولازم نساعد الناس عشان الاستقرار دا يستمر اكتر ونمنع اي خبر او اي شيء يعمل بلبلة للفريق”.
وأضاف “الناس كلمتني عشان الصورة اللي نزلها وكلمت ماليك ووكيله عرفت ان اللي وصل للناس من الصورة مش هو الصح، السبب هو انه راجع من الإصابة قريب في وقت اسرع مما كانوا متخيلين بعد أسبوعين أو ٣ وكان متوقع وقت أكتر وفي نفس الوقت عاوز يزور مصر قريب لأن النادي الأهلي ومصر وحشوه وده كان قصده من الصورة، وعمومًا انا طلبت منه انه يوضح بعد كدة أي بوست يكتبوا عشان محدش يفهم غلط واستقرار الفريق وهو تفهم دا وعشان انا كالعادة اللي بشيل الليلة”.
