بيقولوا دايما إن مافيش حب أحسن من إنك تحبي أقرب صديق ليكي، لكن في ناس كتير جدا بتعارض الفكرة دي ، عشان كده هنقولك على مميزات إنك تحبي أقرب صديق ليكي :
- مش هيكون في إحراج :
أول ديت “لقاء غرامي ” بينوا مش هيكون في إحراج ولا سكوت وده لإنكوا هتكونوا عارفين حاجات كتير عن بعض.
- هتعرفوا تنهوا الخناق بسرعة:
وهيكون صعب يبقى في بيكنوا خناق أصلا ، و لإن مفيش أصعب من الخناق بين الصحاب القريبين، الخناق هينتهي بسرعة.
- عارفين كل حاجة عن بعض:
من مميزات إنك تحبي أقرب صديق ليكي، إنك مش هتكوني محتاجة تخرجي معاه في مواعيد غرامية تقلدية في بدايات علاقتكوا لوده لإنك عارفاه كويس، و البدايات هتبقي فترة مريحة و ممتعة جدا.
- هتعرفي تفاجئيه كويس:
و ده لإنك عارفة عنه كل الحاجات اللي بيحبها، فهتعرفي تفاجئيه سواء بحاجه انت عاملهاله أو تشتريهاله، و كمان مش هتتعبي و تسألي الناس القريبه منه لإنك أقرب حد أصلا.
- هتبقي عارفة كل حاجة عن ماضيه :
مش هتتفاجئي باي كلام أو حكاوي عن الإيكس “حبيبته السابقة ” هتبقي عارفة كل حاجة هي مين و سابوا بعض ليه و علاقتهم كانت قد ايه .
- كل صحابك تقريبا هيوافقه عليه:
مش هتحتاجي ترتبي معاد بينه و بين صحابك عشان يتأملوه و يعجبهم بعد كده أو لا ، لإن في الغالب هما هيكونوا عارفينه كويس.
- هيحققلك توقعاتك :
كل اللي اتكلمتي فيه معاه عن مواصفات فتى أحلامك هيحاول يفتكرة و يعمله .
المصدر : fawzya
