مفيش حاجة اسمها تكلفة الشقة خلصت ولازم اعمل المطبخ فاهعمله أي حاجة ، وده لإن المطخ مكان مهم جدا في شقتك ، و خصوصا كمان لإن موضة الشقق في أخر فترة هو المطبخ الأمريكان اللي بيكون في وسط الشقة و مكشوف وواضح، و حتى لو المطبخ عادي و مقفول فهو برضو مكان مهم ليكي و ده لإن أغلب الضيوف بيدخلوه و كمان عشان نفسيتك تكون مرتاحة فيه لإنه بياخد وقت كتير من يومك ، في الطبخ و غسيل المواعين و كمان ممكن يكون فيه الغسالة كمان، مهما كانت المساحة صغيرة أو كبيرة فانت تقدري تظبطي الديكور و الألوان زي ما تحبي و الرفوف كمان.
من ضمن الحاجات المهمة اللي لازم تاخدي بالك منها و انت بتعملي مطبخك إنك تخلي لون الحيطان واحد ولون المطبخ و الرفوف واحد و كمان و اي حاجة معدزي الحنفية أو الأوكر لازم تكون لونها واحد و يا فضي يا دهبي والرخام كمان اختاري ألوانه في الأخر بعد ما تظبطي ألوان المطبخ كله.
المصدر : fawzya
\
