الدجاج بالنسبة لأي حد هي وجبة مفضلة تقريبا، الا طبعا الناس الفجيترين، عشان كده كل الشعوب و العالم تقريبا بياكلوه و مهتمين بيه و ليه كذا وصفة و كذا طريقة للطبخ و هنساعدك و نقولك كذا طريقة منهم :
طريقة عمل طاجن دجاج بالمشروم
المقادير
1 دجاجة مقطعة
1 كوباية مشروم شرائح
1 كوباية بطاطس مبشورة
1 حبة بصل مقطع
2 فصوص ثوم صحيح
1 معلقة كبيرة كركم
1 معلقة كبيرة بابريكا
ملح
فلفل أسود
رشة زنجبيل بودرة
2 معلقة كبيرة زيت زيتون
4 معلقة كبيرة زبدة
زيت للقلي
طريقة التحضير
حطي الزبدة في طاسة على النار لحد ما تذوب.
حطي قطع الدجاج في الزبدة، وقلبيها على الجانبين لحد ما تاخد اللون الذهبي.
تبلي الدجاج بالملح والفلفل الاسود، وقلبيها من وقت لآخر.
سخني الفرن على 140 مئوية.
ادهني الصينية بالزيت، وحطي فيها قطع الدجاج، ودخليها الفرن.
سبيها في الفرن لمدة من 30 دقيقة إلى 40 دقيقة أو لحد ما تستوي .
حطي البصل في الطاسة اللي كان فيها قطع الدجاج، وقلبيها لحد ما تتدبل.
يضاف إليه الثوم، ويقلب جيداً.
تبليها بالملح والفلفل الاسود والكركم والبايريكا، ويقلب مرة أخرى.
حطي زيت كتير في طاسة على النار لحد ما يسخن.
حطي البطاطس المبشور في البطاطس لحد ما يتحمر.
ارفعي البطاطس على ورق مطبخ لحد ما يتخلص من الزيت الزياده.
حطي المشروم على البصل، وقلبيها لحد ما تتشوح.
ضيفيلها الزنجبيل، وقلبيها كويس جيداً، وارفعيها من على النار.
حطي البطاطس المحمرة في طبق التقديم، ورصي عليها قطع الدجاج.
صبي فوقها خليط المشروم مع البصل والثوم.
قدميها ساخنة.
طريقة عمل صدور الدجاج بالبسكويت المقلية
المقادير
30 قطعة بسكويت مملح
2 ملعقة كبيرة دقيق متعدد الأغراض
1 ملعقة صغيرة ملح
1/2 ملعقة صغيرة فلفل اسود مطحون
بيضة
6 قطع صدور دجاج مخلية من العظم و الجلد
2 كوباية زيت نباتي للقلي
طريقة التحضير
في كيس بلاستيك كبير مقفول كويس حطي البسكويت المملح كسريه كويس.
حطي الدقيق و الملح و الفلفل الأسود في الكيس و اقفلي الكيس كويس و قلبي المزيج.
في بولة متوسطة الحجم حطي البيض و اضربيها كويس جدا.
حطي صدور الدجاج واحد ورا التانية ا في البيض وحطيه في الكيس البلاستيك على مزيج البسكويت المملح.
اقفلي الكيس كويس و رجي صدور الدجاج في مزيج البسكويت المملح لحد ما تغطى صدور الدجاج بالكامل.
سخني الزيت كويس في طاسة كبيرة على نار عالية.
حمري الدجاج لحد ما يبقي لونة دهبي
حطي صدور الدجاج في طبق التقديم و قدمية ساخن.
طريقة عمل صدور الدجاج بالثوم
المقادير
4 قطع صدور دجاج
1 معلقة كبيرة ثوم مهروس
2 معلقة كبيرة زبدة صفراء
نصف كوباية عصير ليمون
ملح
فلفل أسود
بقدونس مفروم للتزيين
طريقة التحضير
تبلي صدور الدجاج بالملح والفلفل، وسبيها لمدة 30 دقيقة.
حطي الزبدة في طاسة على النار لحد ما تسخن، وحطي فيها صدور الدجاج.
خففي النار، وقلبي صدور الدجاج على الجانبين لحد ما يتغير لونها.
ارفعي صدور الدجاج من على النارً، وحطي الثوم في نفس الطاسة، وقلبيه لحد ما لونه يصفر.
حطي عصير الليمون والبقدونس، قلبيه مع الثوم.
حطي صدور الدجاج مرة تانية، وسبيه على نار هادئة لحد ما يستوي.
حطيه في الطبق، صبي عليها الصوص.
قدمية ساخن.
المصدر : fawzya
