الـ ” يوجا ” مش عبارة عن حركات ممكن تعمليها عشان تخلي جسمك مرن أو عشان تسترخي بس، اليوجا كمان مفيدة جدا عشان بتساعد على خفض مستويات ضغط الدم و الكوليسترول و بتقوي عضلة القلب و بتزود المناعة و كمان بتعمل توازن في الهرمونات.
عشان كده هنقولك على 3 أوضاع يوجا بسيطة جدا و الأوضاع دي هتساعدك في تظبيط الهرمونات.
وضع السافانا:
تقريبا من أبسط أوضاع اليوجا و ممكن تستخدميه لحد ما تروحي في النوم و عشان تطبقيه افردي جسمك على الأرض تماما و استرخي كأنك “جثة هامدة”
استلقي على الوضع ده لمدة 15 دقيقة لحد ما تنجرفي في النوم، و الوضع ده هيساعد جسمك و عقلك على الأسترخاء لانة مفيد جدا للجهاز العصبي وعشان توازن الهرمونات في الجسم.
الساقين لأعلى:
نامي على الأرض زي وضع السافانا و ارفعي رجلك على الحايطه و حافظي على الوضع ده لمدة 10 دقايق و ده هيساعد على تدفق الدورة الدموية من رجليكي لأجزاء تانية في جسمك و هيساعد قلبك و دماغك و الغدد الكظرية و هينعكس على هرموناتك للأحسن أكيد.
وضع الكوبرا :
الوضع ده مفيد جدا للغدة الكظرية، و بيساعد الجسم على محاربة التوتر لإن الخلل في الغدة الكظرية بيأثر على قدرة الوضع ده ، عشان تعملي الوضع ده نامي
على بطنك و افردي رجلك على الأرض و حطي إيديكي على الأرض ، ارفعي رأسك و صدرك و اتنفسي بعمق و استمري على الوضع ده لمدة دقيقة، كرري ده مرات كتير.
المصدر : fawzya
