قال الرئيس عبدالفتاح السيسي:”أنا لقيت إن حد بيحاول يدخل على أهلي في النوبة ويديهم انطباع مش حقيقي على أن البلد مُهملة لهم عشان يعمل مشكلة للبلد.. أنا بقول كلام له قيمة، الناس عاوزه تعمل فتن في البلد.. عشان كده احنا هنخلص كل المشاكل اللي في النوبة والكلام”.
وأضاف الرئيس، خلال كلمته بمؤتمر الشباب، بأسوان:” والكلام بدأ من زمان، وكان فيه 1500 وحدة سكنية اتسملت في 2011، تعالوا نشوف الـ1500 قرية دول فيهم كام ساكن بالفعل.. خليك أمين مع نفسك، وان كان فيهم 300 مسكن وناس عايشين فيهم بالفعل”، مُضيفًا:”الدولة اللي قبلنا كانت تحاول تعوض للنوبة اللي قدمت من السلام لأرضها لصالح السد العالي اللي حمانا كلنا مش هننساه لينا كلنا يامصريين”.
وتابع: “الناس اللي بتحاول خلوا بالكم.. هي أفغانستان رجعت هي في دول تانية هترجع اشمعنا انتوا راجعين، انا جاي هنا عشان كده عشان تفهموا، مش مطلوب تعيشوا.. ياساتر على أهل الشر لتخطيطها وترتيبها لإيذاء بعض ويقولولك خلي بالك مش واخدين بالهم منكم محدش قالك انك انت فقير أوي ياريت حد يقولكم احنا فقراء أوي.. رغم المرض هنصمد احنا هنكافح احنا هنبي وهنقول رغم فقرنا هنطلع قدام وهنبقى كبار سيبكم من الكلام ده”.
وتابع: “أوعوا تصدقوا إن انتوا هتبقوا بلد عظيمة مش بيا أنا.. بينا كلنا من النوبة حتى سينا واسكندرية كلنا مع بعض أوعى حد يخش بينا”.
وأكد الرئيس عبد الفتاح السيسي، علي ضرورة أن يعي المواطنون في الإسكندرية حجم التعديات والمخالفات التي تم بناؤها، خلال الـ 6 أعوام الماضية، مستنكرًا علم البعض بتلك المخالفات ورغم ذلك مطالبتهم بإدخال المياة والغاز والكهرباء ويعترضوا قائلين “فين وزير الإسكان معملش حاجة ليه، وأنت موقفتش جنبي ليه”.
وأضاف “السيسي “، أننا نعالج مشاكل متراكمة خلال أعوام عديدة، وتفاقمت خلال الـ 6 اعوام الماضية، لافتًا إلي أن حجم التحديات التي أفرزتها تلك الـ 6 اعوام ضخم جدا، ولكننا نسعي لعلاجها.
