أكد الرئيس عبدالفتاح السيسي، أن أحد أهم أسباب تراجع قدرات الدولة وخدماتها المقدمة للمواطنين، هو أن الدولة لم تكن تستطيع أن تحصل على المقابل لهذه الخدمة وبالتالى تراجعت.
وأضاف الرئيس السيسى خلال مداخلته بالمؤتمر الوطنى للشباب المقام بمحافظة أسوان، “أنا عاوز دايما وإحنا بنتكلم على العطاء نتكلم على إن إحنا مستنيين إيه مقابل من الناس، مهم قوى إن إحنا نوضح ده للرأى العام فى مصر، وأن الخدمة أمامها مقابل، ولو المقابل ده مجاش الخدمة هاتدهور وهاتنتهى”.
وتابع موجها حديثه لوزير الكهرباء تعليقا على عرضه لمشروعات الوزارة “بنقول بشفافية ومصداقية وبوعى اللى أنت بتتكلم عليه ده تكلفته 4 مليارات دولار تقريبا، وعشان نقدر نشغله طوال العام سيتكلف كام، طيب يا ترى المقابل ده هانقدر نحصل عليه ولو مقدرناش هاندفعه منين؟.
وتابع:” ممكن قوى نتكلم على إننا من 2014 بنتحرك بفاعلية لكن أمانة الكلام معاكم يا مصريين بقولكم إن الحكاية مش كده، الدولة كانت بتقدم خدمة للناس ولا تحصل على المقابل لها فكانت تتدهور، إحنا بنتكلم على مرفق السكة الحديد تقريبا يحتاج 180 مليار جنيه، لإعادة تأهيله وماتقدرش تزود قيمة التذكرة، طيب هذا المرفق سيكون شكله ايه هايبقى القطار شكله عامل إزاى، وإذا لم نحصل على القدر اللى إحنا مخططينه على الأقل من المقابل ده مش هايكون لصالحنا”.
