أذاع الدكتور عبد الرحيم علي، عبر برنامج “على هوى مصر”، الذي يقدمه الإعلامي خالد صلاح، مكالمة هاتفية مسربة للقيادى الإخوانى صفوت حجازى، يتحدث خلالها مع أحد الأشخاص، وتكشف المكالمة عن تورط الإخوان في موقعة الجمل عام 2011.
وكشفت تفاصيل مكالمة القيادي الإخواني صفوت حجازي عن حقائق كثيرة ، منها طلب حجازي من الطرف الثاني أن يذهب للإدلاء بشهادة زور ضد الشخصيات التي وردت أسماؤها في قضية موقعة الجمل، رغم تأكيد هذا الشخص أنه لم يكن موجودا. كما كشفت المكالمة المسربة عن اعتداءات الاخوان على ضابط بأمن الدولة، وجاء نص المكالمة كالتالي:
حجازى: السلام عليكم.. يا أحمد ماروحتش للمستشار ماهر بيبرس ليه؟
الشخص الثاني: بسبب نفس حكاية التعب اللى عطلني عليه .. بس ان شاء الله أنا رايح يوم الأحد انا وإبراهيم عجاج .
صفوت حجازي: طيب وبعد إذن حضرتك هديك تليفون المستشار حامد راشد علشان موقعة الجمل هو فى نفس الدور وفى نفس اليوم هتخلص من هنا وهتروح هناك نفس المكان.
الشخص الثاني: حاضر حاضر.
صفوت حجازي: موقعة الجمل لو احنا ماشهدناش الناس دي هتطلع براءة.
الشخص الثاني: طيب أنا شخصيا يوم الأربع ده خرجت من الميدان وقت صلاة الظهر فااامكنتش موجود.
صفوت حجازي: مكنتش موجود خالص ؟ مش جيت بالليل ؟! مش شُفت البلطجية اللى كانوا بيعترفوا.
الشخص الثاني: آه طبعا.
صفوت حجازي: طيب ما احنا عاوزين نقول إن البلطجية اعترفوا بأسماء فلان وفلان وفلان!!!
الشخص الثاني: بس فيه حاجة يعني برضه متعلقة بالحاجات دي .. حضرتك فاكر احنا كنا فيه فيديوهات اتصورت للناس دي أثناء التحقيق ..هى فينها إحنا عاوزينها أنا بقالى شهرين بدور على الكلام ده ..قالولى خدها من الدكتور البلتاجي أو من عند الدكتور حازم أبو اسماعيل وقالى مش عندي .. وصلت لغاية محمد السيد قالى كلم أ. حسين فياض وقالى أيوه فعلا الحاجات دي كانت عندنا وصورنا الكارنيهات دي صورة على الكمبيوتر وبعتنا الفيديوهات للنيابة .. أنا مش عارف هي فين بس الأكيد عند حد من الإخوان .
صفوت حجازي: أنا اللى اعرفه إن النيابة أعلنوا أنهم معندهمش أي داتا .. المهم إنك تروح للمستشار ماهر علشان يوم 8 إبريل وتروح للمستشار حامد عشان موقعة الجمل .. قول كل اللى عندك لإن هما الناس معندهمش أي دليل ولو فضلوا كده هيخرجوا براءة . فاكر الراجل ظابط امن الدولة اللى مسكناه !! اللى كنتوا بتضربوا فيه أوعى تقول انكم ضربتوه !!!!!.
الشخص الثاني: خلاص خلاص.. لا طبعا، هاقول شُفته فى المكتب على السلم واحنا مغميين عينه وكاتبين اسمه على بطنه على الناس تعرفه لما ييجي الجيش يستلمه.
