في تفاصيل صغيرة لو اخدتي بالك منها هتفرق معاكي جدا إنك تحافظي على هدومك لفترة طويلة و أكيد كلنا بنحب هدومنا و بنحب نستغلها أطول فترة عشان كدا جبنالك طرق بسيطة هتساعدك في ده
- في اي لبس هتجيبيه هتلاقي تكيت بالارشادات ,ضروري جدا تقريه قبل ما تغسلي أو تكوي الهدوم.
- اغسلي اللبس على ضهره على طول عشان تحافظي على ألوانه.
- لو اللبس جديد ونوع القماش جديد عليكي وبتغسليه لأول مره, اغسليه الأول لوحده وفي مياه ساقعة عشان تحافظي علي ألوانه وتنزل منه الصبغه الزيادة.
- الأقمشه الوبريه والفوط اغسليها لوحدها عشان متوبرش باقي اللبس.
- استخدمي الشماعات اللي فيها كليبس مع الجيب والهدوم اللي ممكن تتمط عشان تحافظي علي شكلها.
- لو في قطع أو سوسته أو رباط ممكن يقعوا ،خيطيها أو صلحيهم قبل الغسيل عشان الموضوع لا يسوء.
- متخزنيش لبسك في أكياس بلاستيك عشان بيبقي عرضه للرطوبه اللي بتبوظ الأقمشه علي المدار الطويل.
المصدر : fawzya
