تورم الأصابع في الشتاء او “عضة الصقيع” هو من أمراض الشتاء الناتجة عن إلتهاب وتضرر في الشعيرات الدموية الطرفية كرد فعل للبرد وانخفاض درجة الحرارة الشديد و دي بتحصل في جميع الاعمار و هو من أكتر أمراض الشتاء اللي بتقابلنا في عيادات الجلدية حاليا و بيحصـل إحمرار وتورم وألم شديد وأحيانا حكة للأطراف والأصابع ومش بس كده لكن كمان احيانا بيصل الأمر لظهور حبوب على الأطراف أو قرح أو فقاعات أو تغير شديد في لون الجلد واحيانا بيوصل الأمر لمراحل متقدمة جدا ممكن توصل لعضة الصقيع، لو المريضة حاولت.
تحط ايديها تحت مياه ساخنة هتلاقي إن الألم بيزيد جدا
“الوقاية والعلاج” :
- الوقاية من المرض ده مهمة جدا وتعتبر أول خطوة في العلاج ، المحافظة على الأيد و القدم دافئين بإستمرار وعدم السماح للإحساس بالبرودة (يعني أول بأول لازم تدفي الجلد باستمرار ومن أفضل وسائل التدفئة)
- التقليل من التعرض للبرد بقدر الإمكان
- توفير دفاية ومصدر دفء في البيت
- احيانا بعض المرضى اللي بتتكرر معاهم المشكلة بننصحهم بالأدوية الموسعة والمنشطة للدورة الدموية ) لكن لازم لازم تحت اشراف طبيب
- المحافظة على تمرينات رياضية يوميا لتنشيط الدورة الدموية
- تناول أطعمة عالية الطاقة زي المكسرات والتمر
- تناول مشروبات ساخنة زي الشوكولاتة والكاكاو والقرفة والزنجبيل
- لو فيه أنيميا بتعالجها ولو فين سكر بتتابعه بإستمرار لإن مرضى السكر أكثر عرضه لحدوث مرض تورم الأصابع
– لو حصل و اتعرضتي للمرض ده لازم تحطي إيدك في ماء بارد و بعدين ماء فاترو بعدين ماء دافي تدريجيا، بعدها تزودي درجة حرارة الماء تدريجيا ببطء شديد
– مع وضع كريم يحتوي على كورتيزون خفيف مع مضادات الهيستامين بالفم لتهدئة الحكة او الهرش مع البدء باستخدام أقراص عن طريق الفم لتنشيط الدورة الدموية الطرفية والبدء بالإهتمام بتدفئة الأطراف أول بأول
و ده مؤقتا بعدها تلجأ لاستشارة طبيب الجلدية.
المصدر : fawzya
