المذاكرة دايما صعبة و تقيلة على كل الناس و خصوصا البنات ولو كانوا في سن معين و غالبا بيكون سن المراهقة و اللي بتكون البنت فيه مهتمهة بنفسها شوية و زي ما بيقولوا بتنسي نفسها قدام المراية و عشان كده البنات بتكون دايما محتاجة حافز يكون أقوي من أنها تهتم بشكلها و نفسها عشان تذاكر أحسن، و تقريبا الولاد كمان عندهم نفس المشكلة لكن بأسباب مختلفة، وأكيد ده بيعملك مشاكل كأم إنك تسيطري على ولادك و بتحتاري تحفزيهم بإيه عشان يذاكروا و يكونوا متفوقين و ده لمصلحتهم هما قبل مصلحتك، لكن المختلف إن الحافز اتوجد من غير ما تدوري عليه، و الحافز هو إن الفنان ظافر العابدين كتب عنده على صفحتة على الفيسبوك إنه لسه عند و عده و إن الطالبة اللي هتطلع الأولى على الجمهورية هيخرج معاها يوم بجد، و طبعا من المعروف إن الفنان ظافر العابدين معروف بوسامته و إن البنات بتشوفه فتى أحلامها عشان كده هو يعتبر أحسن حافز للبنات مش بس عشان يذاكروا لا عشان يتفوقوا.
و النجمة ساندي عملت زيه برضو و كتبت على صفحتها على الفيسبوك إنها لسه عند وعدها و إن الطالب اللي هيطلع الأول على الجمهورية هتخرج معاه يوم بجد وساندي من أهم و احلى النجمات اللي الشباب بيستنوا ألبوماتها و حفلاتها و عشان كده هى برضو حافز مهم جدا للشباب عشان يذاكروا .
عشان كده لو عندك ولادك بيذاكروا بلاش تتعبي نفسك و تفكري في عقاب و ثواب ليهم خلى البوستس دي بس دايما قدامهم و وافقي على الخروجة.
المصدر : fawzya
