دايما كل عروسة بتسأل البس ايه يوم صباحيتي وده لأن ناس كتير بتزورها من صحابها و أهلها و صحاب جوزها و أهله كمان فالموضوع بيكون محير و كمان مهم جدا بالنسبالها.
من أهم التفاصيل اللي لازم كل عروسة تختارها في لبس يوم صباحيتها أنه يكون رقيق و جذاب و تقدر تختار اللبس يكون واسع أو محتشم على حسب ذوقها بعد كده ، لكن مش بس دي النصايح اللي لازم تاخديها في اعتبارك و انت بتختاري هدوم لصباحيتك في نصايح تانية و هما :
- اختاري الفساتين اللي فيها تطريز لكن يكون تطريز هادي و ناعم و مايكونش مبالغ فيه.
- و أنت بتختاري الألوان ابعدي عن الألوان الغامقة و ركزي على الألوان الفاتحة و ألوان الباستيل عشان تظهري عروسة ناعمة.
- لو كنت محجبة اختاري فستانين واحد مناسب للأهل و القرايب و التاني للأصدقاء و اختاري التاني بمظهر رسمي مناسب للحجاب.
- من الأحسن إنك تختاري فساتين قماشتها مقاومة للتجاعيد و تكون مريحة.
المصدر :: fawzya
