مش لازم تستسلمي للبرد في الشتاء و تنسي تلبسي فساتينك و خصوصًا الفساتين القصيرة، كل اللي عليكي، تعرفي تتدفي ازاي في الشتاء، زي انك تستخدمي اللينجنز الضيقة أو الشربات السوداء التقيلة، البلطو التقيل فوق الفستان و الاسكارفات اللي هتخلى طلتك مميزة على الفساتين، عشان كده هنقولك بالتفاصيل ازاي تلبسي فساتين الصيف بالظبط في الشتاء على حسب نوع كل فستان :
استخدمي الفستان الصيفي الدانتيل في الشتاء عن طريق إنك تلبسي شراب أسود تقيل، وجاكيت جلد قصير، مع بوت.
في الأيام الدافية لفي الاسكارف و البسي فستان بأكمام طويلة مع بوت طويل و البسي شراب أو ممكن ماتلبسيش على حسب الجو و الطقم ده خريفي نوعا ما.
مع الفساتين الكاجوال حطي طبقات كتير من الهدوم، البسي قميص جينز كاجوال واسع، و حطي عليه كارديجان بلون مختلف، مع شراب تقيل و بوت قصير، و كل ما هتزودي طبقات هيكون شكلك أحلى.
الفساتين المنقوشة بالورد اللي بتميز الصيف ممكن تلبسيها بسهولة لو لبستي كارديجان طويل و تقيل عليه و فوقيه اسكارف ضخمة و بوت و ممكن كمان تلبسي ايس كاب و ممكن لا على حسب زوقك.
لو عايزه تلبسي طقم فورمال ممكن برضو تستخدمي الفستان الصيفي لكن لما تضيفي عليه جاكت فورمال أو بليزر و ممكن تلبسي معاه ليجن تقيل لونه غامق مع بوت طويل و بكده هتعملي طقم فورمال بسيط.
المصدر: fawzya
