الحنة البيضاء من أغرب و أحدث الحاجات اللي ظهرت في أخر فترة عشان كده لازم تجربيها الحنة البيضاء مش بس ممكن ترسمي بيها على جسمك لا كمان ممكن تستخدميها كامسكات لتفتيح و تجميل بشرتكوا لكن بتستخدميها مع مواد تانية زي:
- خلطة الحنة البيضاء مع الزيادي : و المسك ده للتفتيح و هو عبارة عن معلقة حنة بيضاء كبيرة و معلقة زبادي كبيرة و نص معلقة صغيرة عصير ليمون و حطيهم على بشرتك لمدة 25 دقيقة و اشطفيهم بالمياة الفاترة .
- الحنة البيضاء مع زيت الزيتون :و هو عبارة عن معلقة حنة بيضاء و معلقتين كبار زيت زيتون و معلقة عسل كبيرة ، اخلطيهم كويس و حطيهم على بشرتك لمدة 30 دقيقة و اشطفيهم بالمياة الفاترة .
- الحنة البيضاء مع ماء الورد: والخليط ده لتفتيح الجسم و هو عبارة عن معلقة كبيرة حنة بيضاء و معلقة صغيرة كريم مرطب أو زيت لوز و معاهم معلقة كبيرة ماء ورد و خليهم على جسمك لمدة 25 دقيقة و اشطفيهم بالمياة الباردة .
- لكن ممكن تستخدمي الحنة البيضاء زي الحنة السوداء و ده هيخليكي مختلفة و هتفتح شكل إيديك كمان زي الصور
المصدر : fawzya
