دايما النصايح القديمة بتاعت الوصفات الطبيعية بتطلع صح لكن لو نفذناها صح و وصلتلنا صح، نصايح الوصفات الطبيعية هي مفيدة جدا ليكي و أحسن كمان من أي دواء ممكن تاخديه، و غالبا الوصفات الطبيعية بتكون نصايح من جديتك و والدتك ، عشان كده هنعرفك ايه أهم العناصر الأساسية اللي استخدموها في الوصفات الطبيعية دي و حاولي تحافظي عليها :
العسل : هو تقريبا مفتاح الجمال للبشرة و لو ماعندكيش كريمات أو منتجات صحية للتجميل تقدري تستخدمي العسل و ده لإنه معزز بالمعادن و المزاد المضادة للأكسدة .
الخيار و الحامض : و الخليط ده بيكون عشان بشرتك تكون بيضة جدا و ده لإن المكونات دي فيها خصائص مبيضة للبشرة و كمان بتغذي البشرة .
زيت أملا :و ده تقريبا كان السبب الأساسي إن جداتنا مابيصابوش بالشيب المبكر، و كان شعرهم بيبيض على سن ال 60 سنة ، وده لأنه مستخرج من ثمار شجرة أملا الغنية بفايتامين سي و حمض الاسكوربيك اللي بيعمل على الوقاية من الشيب .
اللبن : و هو الكريم المرطب و بيستخدموه مخصوص قبل النوم و ده لانه بيحتوي على فيتامين Aو D ومادة دهنية بيتساعد على تقشير الجلد الميت و بتقلل من إفرازات البشرة الدهنية .
الفازلين : و هو متعدد الأستخدامات و بيعالج البشرة الجافة و التشققات و غير كده فتمنه رخيص فماتستغنيش عنه .
المخدة الحرير : المخدة الحرير من أحسن الحيل اللي ممكن تبعد عن بشرتك التجاعيد عشان كده كل اللي المفروض تعمليه إنك تستبدلي مخدتك القطن بالحرير .
المصدر : fawzya
