قام الدولي المصري إمام عاشور لاعب خط وسط الفريق الأول لكرة القدم بالنادي الأهلي، بالتعليق على إصابته التي تعرض لها خلال لقاء إنتر ميامي الأمريكي، في المباراة التي أقيمت فجر اليوم الأحد، ضمن منافسات الجولة الأولى من مرحلة المجموعات بكأس العالم للأندية.
ويغيب إمام عاشور عن الأهلي لمدة شهرين، بعد الإصابة بكسر في عظمة الترقوه خلال مشاركته في مباراة إنتر ميامي في بداية مشوار المارد الأحمر بمونديال الأندية.
ونشر إمام عاشور عبر حسابه الرسمي على موقع التواصل الاجتماعي «إنستجرام»: «ما قدر الله لك فهو آت إليك، وما لم يقدره لك فان يصيبك.. الحمد لله على كل شيء، الإصابة كانت صعبة وجت في أول لحظات ليا في البطولة وده قدر ربنا ولازم نرضى بيه».
وأوضح : «كان نفسي أكون موجود وأقاتل مع أخواتي في الملعب بس ده نصيبي ودلوقتي داخل أعمل العملية، وإن شاء الله أرجع أقوى».
وأرف إمام عاشور: «الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم، المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه».
وأتم: «صدقوني دعمكم بيفرق جدًا، واللاعيبة مستنياكم زي ما دايمًا واقفين في ضهرنا».
