تحدث الرئيس عبد الفتاح السيسي: «لازم أسجل هنا للمصريين تقدير شديد واحترام شديد.. اصطفافهم خلف القيادة والدولة.. بقول لكم أنتوا كمستقبل مصر.. الجهد كان متوفر بوعي وتفاهم المصريين للمخاطر الموجودة.. كانوا ومازالوا على قلب رجل واحد تجاه الأحداث التي تمر بالمنطقة.. وده أمر مأثر فيا جدا بشكل إيجابي وسعيد بيه أوي».
وأوضح الرئيس السيسي، في كلمته خلال زيارة تفقدية إلى الأكاديمية العسكرية المصرية، بحضور الفريق أشرف زاهر رئيس الأكاديمية العسكرية: «سعيد أن المصريين جنب مني ومعايا وفاهمين.. حتى لو فيه ظروف صعبة الكل تجاوزها.. كلنا في مصر على قلب راجل واحد تجاه التحديات في المنطقة.. ده أمر لازم أقوله واسجله لشعب مصر.. كل التحية لشعب مصر».
وتابع: «الفترة اللي احنا فيها واللي جاية.. مكملين الجهد ده والتنسيق مع الأشقاء والشركاء في أوروبا والولايات المتحدة أن احنا نصل إلى وقف الحرب في غزة.. فترة كبيرة أوي والمنطقة شهدت أحداث كبيرة أوي خلال سنة ونص.. وكلها أحداث مكنتش إيجابية».
