كلنا و احنا صغيرين اتعرضنا لإن أهلنا يرفضوا طلبتنا و عموما الأطفال ليهم طلبات كتير بتتقابل بالرفض في كل المراحل العمرية ، حتى لو كانت طلباتهم غير مؤذيه في أمهات بيستخدموا أسلوب إن كل فترة لازم يرفضوا طلب ليهم و ده عشان مايكونوش أطفال مدلالين زيادة عشان كده الأمهات بتعتبر مواجهة أطفالها بالرفض ده شيء مفيد جدا ليهم ، و في الوطن العربي في كذا صيغة معينة اأمهات بنسنخدمها للرفض زي :
- إن شاء الله : مع إن الكلمة دي كل الناس بيستخدموها للموافقة، و لكن الأمهات العرب بيستخدموها للرفض و مفيش غير ولادهم بس اللي بيفهموا ده .
- نتناقش في الموضوع ده بعدين : لما الأم بتقول الجملة دي بيبقي معناها لا واضحة و صريحة، و غالبا الجملة دي بتتقال لو الطفل بيطلب حاجة من أمه قدام الناس .
- هنشوف : و الكلمة دي الأطفال بيفهموها على طول إن طلبهم مفروض .
- قريب : و الكلمة دي كمان مش معناها التأجيل بيكون أحسن وإن الأولاد مايعدوش تفكير أمهم بالموضوع ده تاني لأنها بتنسي الموضوع ده تقريبا .
- ممكن : و هي المفروض الكلمة في معناها إن في أمل لكن الكلمة معناها و أسلوبها بيكونوا أغلب الوقت إن لا مفيش أمل و بتلغي أمل الطفل في طلبه .
المصدر : fawzya
