عبرت المحامية نهاد أبو القمصان ،عن رأيها في مسلسل “حالة خاصة” والذي تدور أحداثه حول شاب مصاب بالتوحد يعمل في مكتب محاماة تمتلكه غادة عادل.
أوضحت أبو القمصان ،في فيديو على حسابها بموقع التواصل الاجتماعي تيك توك “جميل أن يكون في مسلسل بيتكلم عن وجود شاب عنده حالة خاصة بس المكتب دة عايز يتشمع بكل المحاميين اللي فيه، يعني اولا ازاي نجيب صاحبة القضية ونقعدها مع كل المحاميين ومنهم المحاميين اللي تحت التمرين ونقولها قولي كل أسرارك قدام الكل ونقولها هما دول اللي هيحلولك القضية دة ضد مهنة المحاماة تماما مش في حاجة اسمها خصوصية ازاي اجيب موكل يتكلم عن أسراره قدام شباب لسة بيتعلموا ومتعينوش في المكتب ودة انتهاك شديد لقيم واخلاق مهنة المحاماة”
وأشارت”ثانيا خلع ايه اللي بيعملوله تحقيق، 6 بيحققوا في قضية خلع ويصوروا جوز الست ويقولولها هاتي كشف طبي، الكلام دة ممكن يكون بيطبق في انجلترا اللي فيها اقتسام للثروة فكل واحد بيثبت أن مش هو سبب الطلاق لكن الخلع عندنا الست بتتنازل عن أي حاجة ومش بنقول أسباب اصلا أما التحقيقات دي في الطلاق للضرر”
وقالت أيضاً”فالمسلسل فيه مشكلة من ناحية اخلاقيات المهنة ومن ناحية الموضوعات المطروحة فهاتوا محامي يراجع المسلسل”
وأوضحت قائلة “كمان الجناية اللي المتهم ممكن يأخذ فيها اعدام ولسة بنتناقش فيها وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحاميين انتوا أكبر عقول واكبر محاميين ومش عارفين توصلوا لحل”
وقالت “وصاحبة المكتب قعدة مع ال6 متدربين اللي لسة بتختبرهم مش حتى دول تحت التمرين والست افراد معاهم قضية واحدة، ولا المحامي المتحرش هل في محامي ممكن يتجرأ على استاذته ويتكلم معاها بالطريقة دي
