قال الرئيس عبد الفتاح السيسي، اليوم السبت، متحدثا عن الدولة المصرية في الوضع الاقتصادي: “ده حال الدولة.. ده الإيراد وده الإنفاق.. وفيه جزء منه نعمله ازاي.. لازم زيادة الموارد.. واحنا بنعمل ده.. الدكتور هالة السعيد كانت بتتكلم عن الزيادة السكانية.. مصر عملت محاولات كتيرة لتجاوز الأزمة دي من أيام الرئيس عبد الناصر والرئيس السادات والرئيس مبارك ولم ننجح حتى الآن.. ولم نحقق المعدل المطلوب”.
وأضاف الرئيس السيسي، خلال كلمته في جلسة الاقتصاد، ضمن فعاليات مؤتمر “حكاية وطن بين الرؤية والإنجاز”: “تخيلوا أنه من عام 2011 كان النمو السكاني ثابت.. يعني صفر.. فيه دول نموها سلبي.. المواليد قد الوفيات.. 25 مليون زادوا في الفترة من عام 2011 حتى الآن.. الـ 25 مليون دول.. الخطين عمرهما ما قربوا من بعض “خط الإيرادات والمصروفات”.. تصور بقي في 2011 بتخسر 450 مليار دولار كأني مش ليهم تأثير.
وتابع الرئيس السيسي، أن الدولة ظلت لسنوات عديدة تعاني من العجز معلقا: “اتوقف أمام الخط ده.. العجز موجود والسلف موجود وكان المطلوب الأول قبل 2014 إن الناس تأكل بس حتى لو الدولة بدون مقومات.. لدرجة أن أهلها يفتكروا أن الناس مش عايشة فيها.. فيه حد لازم يدفع من أجل الأجيال الجديدة.. فيه حد لازم يضحي”.
