علق الفنان مصطفى كامل، نقيب المهن الموسيقية، على الجدل المثار حول إلغاء تصريح حفل مؤدي الراب العالمي ترافيس سكوت بالأهرامات في مصر ، المقرر إقامته يوم 28 يوليو 2023.
إلغاء حفل العالمي ترافيس سكوت في مصر
وأضاف مصطفى كامل خلال مقطع فيديو نشره عبر حسابه على فيسبوك: جالي تليفون قالولي إن فيه شركة من الشركات المعتادة على التراخيص من داخل النقابة، ولجنة العمل واللوائح القانونية قالولي مفيش مشكلة ورخصنا، والترخيص طلع بالفعل، مكنتش أعرف ساعتها ترافيس سكوت ولا طقوسه ولا أي حاجة، وفيه ناس كتير متعرفوش وإعلاميين كمان، ولكن لجنة العمل قالولي يلا فأنا رخصت.
وتابع : لازم أحترم آراء الناس ومشاعر الناس والناس المتدينة سواء من إخوانا المسيحيين أو من المسلمين أو اليهود لازم أحترم كل الديانات، هو أنا قاعد في شركتي؟ أنا معايا مجلس إدارة محترم، البيان اللي صدر عن كل زميل واللي كانت المخاوف اللي جوايا جوا كل واحد فينا بردو، ولو لا قدر الله حصل حاجة هيتقالنا ياللي موتوا الناس، احنا كل اللي طلبناه وضع الاعتبارات الأمنية من حيث التنفيذ، فلو الترخيص موجود مع الشركة والموافقات الأمنية جات وكلنا كنقابة هنضرب تعظيم سلام من الجهة المنوط بها حماية هذا الحفل.
