بعد صورة الدولارات في الطائرة.. محمد رمضان يرد على انتقاد عميد معهد القلب السابق:ابعتلي أسماء المستشفيات اللي محتاجة أجهزة
أثارت صورة للفنان محمد رمضان بظهور الدولارات بجانبه داخل طائرته الخاصة غضبًا كبيرًا وانتفضت السوشيال ميديا ضده مستنكرين فعله.
جمال شعبان : ياريت بالدولارات دي نشتري منظمات كهربية الغلابة
لينتقد الدكتور جمال شعبان، مدير معهد القلب السابق، فعل محمد رمضان على السوشيال ميديا مطالبًا استغلال الأموال لدعم مرضى القلب.
ونشر مدير معهد القلب عبر موقع التواصل الاجتماعي فيس بوك قائلًا:يا ريت بالدولارات دي اللي واضح انك مش محتاج لها، تشتري منظمات كهربية للغلابة الكتير اللي في العناية المركزة.
وتابع : الناس دي عندها احتمال السكتة والتوقف القلبي المفاجئ، ومحتاجين جهاز لإنقاذ حياتهم، يمكن ده يشفع لك يوم الزحام.
محمد رمضان يرد : ابعتلي أسماء المستشفيات
ليرد الفنان محمد رمضان على المنشور قائلًا: شكرا يا دكتور.. ياريت تبعتلي أسماء المستشفيات اللي محتاجة الأجهزة، وتليفون حضرتك على الخاص.
وعاد الفنان محمد رمضان إلى مصر بعد انتهاء جولته الغنائية التي قام بها في الولايات المتحدة الأمريكية.
وتضمنت جولة محمد رمضان في أمريكا حفلا بمدينة ديترويت الأمريكية يوم 29 أبريل، وكاليفورنيا يوم 5 مايو، وتكساس يوم 6 مايو، وفي نيويورك يوم 13 مايو.