تداولت أحدى رواد مواقع التواصل الاجتماعي من الفتيات تعرضها لموقف محرج أثناء زفافها نتيجة تعاملها مع “ميكب ارتيست”.
وقالت في منشور عبر موقع “فيسبوك”،: “اليوم ده كان أسود يوم في حياتي ولحد دلوقتي بكره أشوف صوري أو الفيديو بتاع الفرح من شكلي ومنظري رغم أن عمر اول ما دخل الاوضة قالي انتي ازاي محافظة على بشرتك كده وكان فاكر إني كاوية شعري”.
وأضافت: “لما خلص انبهرت وكان تحفة بس معداش نص ساعة ووشي شقق زي الأرض الزراعية زي ما يكون عندي ألف سنة ولما بقوله قالي لا ده لازم يبقى الميك اب جاف كده علشان لما تخرجي من التكييف وتعرقي يندمج ويبقى تمام وأنا صدقت”.
وتابعت: “الساعة بقت 7 وبيبو بتاع الشعر لسه مجاش في حين أن المعازيم جات برا وواقفة مستنياني وقال هو تايه في الطريق بقاله 3 ساعات ومعاه اللوكيشن”.
واستكملت: “لبست الفستان وانا أحزن حد في الدنيا وقلبي محروق وعمر عيس جه يعتذر عن اللي حصل فقولتله بيبو ده مش هياخد فلوسه كاملة وانت مش قد المسؤلية إنك تدبسني مع حد زي ده بقي مش عارف يقولي إيه ولا يتصرف إزاي”.
واختتمت: “كنت دافعة ٩٠٠٠ جنيه في قرف حطهولي على وشي وشعري حسبي الله ونعم الوكيل فيهم من يومها بحسبن عليهم بوظوا أحلي يوم في حياتي”.
رد مصفف الشعر على واقعة العروسة
رواد “السوشيال ميديا” يتفاعلون مع العروسة وغلق صفحة “الميكب ارتيست”
تفاعل رواد “السوشيال ميديا” مع قصة العروسة، معبرين عن حزنهم بما حدث معها، بل روى العديد منهم قصص مشابهة، مما أدى إلى غلق الصفحة من قبل إدارة “الفيسبوك”.
