علق المخرج كريم العدل على مسلسل تحت الوصاية، الذي تخوض بطولته الفنانة منى زكي ومن المقرر عرضه ضمن مسلسلات رمضان 2023.
وكتب كريم العدل عبر حسابه الرسمي بموقع التواصل الاجتماعي “فيسبوك”، متحدثا عن شخصية منى زكي في تحت الوصاية: “أولا الجمال ده شيء نسبي.. لو انتي شايفة ان منى زكي كده وحشة، ف دي رؤيتك انتي.. انا ممكن اشوفها حلوة عادي.. هى يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش و اصلع، كانوا بيعملوا كده علشان عايزين يقولوا ان فيه فئة معينة شكلها وحش؟! مش منطق ابداً والله”.
وتابع: “ثانيا انا حقيقي مش فاهم ايه علاقة التعليم بالموضوع عامة! ثالثا، هل ده معناه ان كل المحجبات قمرات و مافيهومش ولا واحدة وحشة؟ مش منطقي.. و تاني نرجع نقول ده شيء نسبي يختلف من شخص للتاني!”.
واختتم كريم العدل حديثه، فقال: رابعا بقى، منى زكي مسلسلها بنسبة كبيرة عن شخصية حقيقية، و بيحاولوا يقربوا بالشكل.. اصلا بقى، و بجد الناس بقت بتحمل الفن و الدراما فوق طاقته.. و بياخدوا كل حاجة بشكل شخصي جدا.. و طول الوقت عندهم نظرية المؤامرة، و كل واحد ولا واحدة يطلع يقول لك الكلمة اللذيذة بتاعة “السم في العسل” استهدوا بالله كده يا جماعة بجد!.
